ကောလ ဟာလ သတင်းများ

အခုတလော မလိုလားအပ်သော ကောလ ဟာလ သတင်းများ အတော်ပျံနှံနေတာကို သတိထားမိပါတယ်။

ပထမ သန်းရွှေ သေပြီဆိုတဲ့ သတင်းကို ဖုန်း message တွေနဲ့ ပျံနှံလာပါတယ်၊ အင်တာနက်ထဲ အထိ၊ Blog cbox တွေ အနှံ ပျံနှံလာပါတယ်။

နောက်တစ်ခါ မေဆွိ ကားတိုက်သေတယ်ဆိုသော သတင်းကို AP က လာတဲ့ သတင်း ပုံစံနဲ့ သတင်း အတု လုပ်ပြီး ဖြန့်ပါတယ်။ ဒါပေမယ့် ဖတ်လိုက်တာနဲ့ သတင်း အတုမှန်း သိသာပါတယ်။ ဘာလို့လဲဆိုတော့ AP က အဲဒီလောက် သတင်းအရေးအသား ညံတဲ့ သတင်းထောက်ကို အလုပ်ခန့်မှာ မဟုတ်ပါဘူး။ သမီးသေတယ်ဆိုတဲ့ သတင်းမှာ အမေပုံကို ထည့်ထားပြီး အမေအကြောင်းကို wiki မှာ ပြန်ညွန်းထားတဲ့ သတင်းသမားကို ဘယ်သတင်းဌာနကမှ မခန့်ပါဘူး။ (ကျော်ဆန်းလို မီဒီယာကတော့ ခန့်ချင် ခန့်ပါလိမ့်မယ်။)

အခု နောက်ဆုံး တစ်ခုကတော့ NLD က ထုတ်တယ် ဆိုပြီး ရေးလာတဲ့ စာဖြစ်ပါတယ်။ သူလည်း ဖတ်လိုက်တာနဲ့ အတု ဖြစ်မှန်း သိသာပါတယ်။ အဲဒီစာကတော့ အောက်မှာပါ။ အတုလို့ သတ်မှတ်ရတဲ့ အကြောင်းအရင်းတွေကတော့

1. NLD က ဘယ်တော့မှ အလံကို Logo မလုပ်ပါဘူး။ အလံနဲ့ logo ဟာ လုံးဝ မတူပါဘူး။ အခု စာမှာ အလံကို Logo လုပ်ပြီး ရေးထားပါတယ်။
2. NLD ရဲ့ တံဆိပ် နှိပ်ထားတာ လုံးဝ မရှိပါဘူး။
3. NLD က ကြေညာချက်တွေဟာ စာရွက်ပေါ်မှာရေးပြီး scan ဖတ်ပြီးမှ Online က်ိုရောက်တာပါ။ အခုစာက တစ်ခါတည်း ကွန်ပြူတာပေါ်မှာ လုပ်ကြံရေးထားတဲ့ စာဖြစ်နေတာကြောင့် အဆိုပါ စာဟာ အတု ဖြစ်နေတယ်ဆိုတာကို သိသာနေပါတယ်။

ထိုကြောင့် ကောလ ဟာလများကို သတင်းများကြားတွင် ထည့်ကာ ပြည်သူလူထု အာရုံကို လွဲအောင် လုပ်နေသော လုပ်ရပ်များ ရှိနေသည်ကို အားလုံး သတိထားမိစေရန် တင်ပြလိုက်ပါသည်။

လေးစားစွာဖြင့်
ကိုထိုက်