လက်ရှိ နိုင်ငံရေးနှင့် နအဖ ခြေလှမ်း အချို့
ကျွန်တော်လဲ Post အသစ် မတင်ဖြစ်ဘဲ ဘလော့ကို ဒီအတိုင်း ပစ်ထားတာ အချိန် အတော်ကြာနေတာမို့ စာလာဖတ်သူတွေကို ပထမဦးစွာ တောင်းပန်ချင်ပါတယ်။
မရေးဖြစ်တာတွေကတော့ အကြောင်းအရာ၊ အကြောင်းပြချက် အမျိုးမျိုးပါပဲ။ နောက်ဆုံး အဆုံးသတ်ရရင်တော့ ကျွန်တော့် အားနည်းချက်၊ ကျွန်တော် အလုပ် မလုပ်တာကြောင့်ပါပဲ။
အခုတော့ ဘန်ကီမွန်းကြီးလည်း မြန်မာပြည်ကနေ ပြန်လာခဲ့ရပြီ။ မကြာခင် ကာလ တစ်ခုမှာလည်း လူထုခေါင်းဆောင် ဒေါ်အောင်ဆန်းစုကြည်ကို မတရားတဲ့ ဥပဒေနဲ့ အကျဉ်းချဖို့ကလည်း သေချာသလောက် ရှိလာပါပြီ။
အခု လက်ရှိ ဖြစ်နေတဲ့ မြန်မာနိုင်ငံရေး အခြေအနေတွေကို ပကတိ ကျွန်တော်မြင်သလောက် ပြောချင်လာတာတွေ ရှိလာပါတယ်။
၁။ တိုင်းပြည်ကို စစ်တပ်က တာဝန်ယူထားလို့ တိုင်းပြည်ငြိမ်နေတာ မဟုတ် ...
တချို့သော နိုင်ငံတွေက ပြောနေကြတာတွေ ရှိပါတယ်။ သထူးသဖြင့် အာဆီယံ နိုင်ငံတွေက ပြောလေ့ရှိတဲ့ စကားလုံးတွေပါ။ အဲဒီ စကားလုံးတွေကတော့ “မြန်မာနိုင်ငံ တည်ငြိမ်နေတာ စစ်တပ်က အခုလို အာဏာကို ထိမ်းချုပ်ထားလို့ တည်ငြိမ် နေနိုင်တာ။ တကယ်လို့ အဲဒီလို ထိမ်းချုပ်မှု မရှိရင် မြန်မာပြည်က တည်ငြိမ်နိုင်စရာ မရှိဘူး။” ... အဲဒီလို အကြောင်းပြချက် စကားလုံးတွေနဲ့ လက်နက်ကိုင် အကြမ်းဖက် သမားအဖွဲ့(နအဖ) နဲ့ အတူတူ ပူပေါင်းပြီး လုပ်သင့်တာ လုပ်ရမယ်လို့ ပြောလေ့ရှိပါတယ်။
ဒါပေမယ့် အခု ကုလသမ္မဂ အထွေထွေ အတွင်းရေးမှုး ကိုယ်တိုင် မြန်မာပြည်ကို လာပြီး စေ့စပ်ဆွေးနွေးရေး လုပ်ဖို့ စကားလာပြောတာကို နအဖ ကိုယ်တိုင်က လက်ခံရတယ် ဆိုတာကြည့်ရင် ... အကြမ်းဖက် လက်နက်ကိုင် အဖွဲ့(နအဖ) ကိုယ်တိုင်က မြန်မာပြည်မှာ ပြဿနာတွေ ရှိနေတာကို ဝန်ခံနေပါတယ်။ ကုသမ္မဂကလည်း မြန်မာပြည်မှာ ပြဿနာတွေ ရှိနေတယ် ဆိုတာကို သက်သေပြ နေတာပါပဲ။ ဒီတော့ မြန်မာပြည်မှာ စစ်တပ်က အာဏာသိမ်းထားလို့ တိုင်းပြည် တည်ငြိမ်နေတယ် ဆိုတာ “လုံးဝ” အဓိပ္ပါယ် မရှိဘူးဆိုတဲ့ အချက်က ပထမ အချက်ပါပဲ။ ဒါ ဘယ်သူမှ ငြင်းလို့ မရတဲ့ အချက်အဖြစ် ကမ္ဘာက လက်ခံထားပြီး ဖြစ်နေပါပြီ။
တိုင်းပြည်ကို စစ်တပ်က တာဝန်ယူထားလို့ တိုင်းပြည်ငြိမ်နေတာ မဟုတ်ဘဲ တိုင်းပြည်အတွက် စစ်တပ်က ကိုယ်နဲ့ မဆိုင်တာကို ဝင်ရှုပ်တာကြောင့် တိုင်းပြည်မှာ ပြဿနာတွေ ဖြစ်နေတယ်လို့ ကောက်ချက်ချပါတယ်။
၂။ ကုလသမဂ္ဂ ခရီးစဉ်များ
ရာဇာလီ၊ ပီညဲရိုး၊ ဂမ်ဘာရီ အပါအဝင် အခု နောက်ဆုံး ဘန်ကီမွန်း အထိ ကုလသမဂ္ဂကနေ မြန်မာပြည်မှာ နိုင်ငံရေးနှင့် လူ့အခွင့်အရေး ကိစ္စရပ်များ ပြုပြင်ညှိနှိုင်းဖို့ လာရောက်ခဲ့တဲ့ အကြိမ်ပေါင်း အတော်များခဲ့ပါပြီ။ တခါမှ သိသာထင်ရှားသော အောင်မြင်မှု မရခဲ့ပါ။ အထွေထွေ အတွင်းရေးမှုး ကိုယ်တိုင်လာရောက်ခဲ့ရပြီး အရှက်ကွဲခဲ့ရတာ အားလုံးမျက်မြင်ပါပဲ။
ဒီတခေါက် ဘန်ကီမွန်း မြန်မာပြည်အတွက်လာခဲ့တာက သိတဲ့ အတိုင်း နိုင်ငံရေး ပြဿနာများ ညှိနှိုင်းဆောင်ရွက် ပေးနိုင်ရေး ဖြစ်ပါတယ်။ အရင်တခါလို နာဂစ် ကိစ္စ သီးသန့်မဟုတ်ဘဲ နိုင်ငံရေး ကိစ္စ သီးသန့်အတွက်ပါ။
ရာဇာလီ လာတယ်။ ပြန်တယ်။
ဂမ်ဘာရီ လာတယ်။ ပြန်တယ်။
မထူးဘူး။
တကြိမ်ထက် တကြိမ်မှာတောင် .. ပိုဖိနှိပ်တယ်။ လူပိုသတ်တယ်။ ပိုပြီး ဥပဒေမဲ့တယ်။ ပိုပြီး ယုတ်မာလာတယ်။
လူ့ယဉ်ကျေး အသိုင်းအဝိုင်းမှာက နောက်ဆုံး အထွေထွေ အတွင်းရေးမှု အဆင့်အထိ ကုလသမ္မဂက ကြိုးပမ်းတယ်၊ မအောင်မြင်ဘူး ဆိုတာကို သမိုင်းမှတ်တမ်း တစ်ခု အဖြစ် ကမ္ဘာနိုင်ငံရေး မှတ်တမ်း ဝင်သွားပါပြီ။ ဒီတော့ မြန်မာ့အရေးကို နောက်နောင် ကမ္ဘာ့ နိုင်ငံတွေမှာ ဆွေးနွေးကြတဲ့အခါ ဖြစ်လာခဲ့ရင်တော့ လက်နက်ကိုင်အကြမ်းဖက် အဖွဲ့(နအဖ) ဘက်ကနေ ပျော့ပျောင်းတဲ့ နည်းနဲ့ အဖြေရှာသင့်ပါတယ်လို့ ပြောတဲ့ နိုင်ငံတွေရဲ့ ပါးစပ်တွေကို ဖြတ်ရိုက် ပြီးသား ဖြစ်သွားပါပြီ။ ပြောနိုင်တော့မှာ မဟုတ်တော့ပါဘူး။ (တရုတ်တောင် ကမ္ဘာပေါ်မှာ သူ့သိက္ခာ ထိမ်းသိမ်းဖို့ လိုလာပြီလို့ တချို့နေရာတွေမှာ ယူဆလာတဲ့ အခါ၊ အခုလို နအဖ ကိစ္စအတွက် ဝင်ပြောဖို့ကတော့ သူ့သိက္ခာကို ကျစေတာ ဖြစ်နိုင်လို့ နောက်အကြိမ်တွေမှာ နအဖကို ကာကွယ်ဖို့ ခက်လာနေပါပြီ။)
ဒါဟာ အရင် ကုလသမဂ္ဂ ကိုယ်စားလှယ်တွေ အပါအဝင်၊ ဘန်ကီမွန်း အထိ လာရောက်ခဲ့ကြတဲ့ ခရီးစဉ်တွေရဲ့ မအောင်မြင်ခဲ့တဲ့ အောင်မြင်မှုလို့ ကောက်ချက် ချပါတယ်။
ဒါပေမယ့် ဒါတွေဟာ မြန်မာနိုင်ငံရေးရဲ့ အဖြေတော့ မဟုတ်သေးပါဘူး။
၃။ နအဖ ရည်မှန်းချက်နှင့် ဝှက်ဖဲ
လက်နက်ကိုင်အကြမ်းဖက်အဖွဲ့ (နအဖ) ရဲ့ ရည်မှန်းချက်ကတော့ ၂၀၁၀ ရွေးကောက်ပွဲ ဖြစ်မြောက်ရေးပါပဲ။ စကားလုံး အရ အတိအကျ ပြောတာ ဖြစ်ပါတယ်။ ၂၀၁၀ ရွေးကောက်ပွဲ ဖြစ်မြောက်ရေး ဟာ နအဖရဲ့ အဓိက ရည်မှန်းချက်ပါ။
သူက ရွေးကောက်ပွဲမှာ သူ့လူတွေ အနိုင်ရရေး၊ မရရေး၊ ..... NLD ပါရေး၊ မပါရေး .. စတာတွေကို ဂရုမစိုက်ပါဘူး။ သူ ဂရုစိုက်တာ တခုပါပဲ။ ရွေးကောက်ပွဲ ဖြစ်မြောက်ရေး တစ်ခုပါပဲ။
ဘာကြောင့် ဂရုမစိုက်သလဲ ဆိုတာကတော့ ရှင်းပါတယ်။
၂၀၁၀ ရွေးကောက်ပွဲမှာ အနိုင်ရလာတဲ့ ရလဒ်တွေဟာ ၂၀၀၈ ခုနှစ် နာဂစ် အခြေခံ ဥပဒေအရ အစိုးရဖွဲ့ရမှာ ဖြစ်ပါတယ်။ အဲဒီ အခြေခံဥပဒေ အရ အစိုးရဖွဲ့တဲ့အခါ .. ဘယ်သူနိုင်နိုင် မြန်မာပြည်ဟာ လက်နက်ကိုင် အကြမ်းဖက်ဖွဲ့ရဲ့ မတရားမှုတွေကို တရားဝင် အသိအမှတ်ပြုပေးရမှာ ဖြစ်နေလို့ပါပဲ။
ဘယ်သူနိုင်နိုင် ကာကွယ်ရေး ဦးစီးချုပ် (သို့) ကာကွယ်ရေး ဦးစီးချုပ်က ရွေးချယ်တဲ့ လူက အလိုလို သမ္မတဖြစ်လာပြီး အဲဒီ လူက တိုင်းပြည်ကို ချယ်လှယ်ပါလိမ့်မယ်။
ဝင်ရွေးခံကြ။ ပါတီ ဖွဲ့ကြ။ ပျော်ပျော်ကြီးနဲ့ ဘာမှ မရှိတာဟာ ရှိတာထက် ကောင်းတယ်လို့ ပြောကြတဲ့ လူတွေကတော့ အရိုးအရင်းလေးကိုက် ပါလီမန်မှာ ဝင်ထိုင်လိုက်၊ မဆိုစလောက် အာဏာလေး ပြပြီး လူထုကို အနိုင်ကျင့်လိုက် .... နအဖရဲ့ လူမိုက် အဆင့်အထိပဲ ရကြမှာပါ။ သူတို့မှာ တိုင်းပြည် ကံကြမ္မာကို ဖန်တီးနိုင်စွမ်း လုံးဝ မရှိပါဘူး။ အဲဒါနဲ့တင် မပြီးသေးပါဘူး။
ကာကွယ်ရေး ဦးစီးချုပ်က ရွေးလိုက်လို့ သမ္မတဖြစ်လာတဲ့လူက အခု ကာကွယ်ရေး ဦးစီးချုပ် အပါအဝင် လက်ရှိ နအဖ လူကြီးတွေရဲ့ အကျိုးစီးပွားတွေကို ထိခိုက်အောင် လုပ်လာမယ်ဆိုရင်လည်း နိုင်ငံတော် လုံခြုံရေး ကောင်စီလို့ ခေါ်တဲ့ အဖွဲ့မှာ ရှိတဲ့ စစ်တပ်ကို ကြိုးကိုင်တဲ့ လူတွေက လက်ရှိ စစ်တပ်ကို နွားကြီး တစ်ကောင်လို ထပ်ခိုင်းပြီး အာဏာ အချိန်မရွေး သိမ်းနိုင်အောင် အခြေခံဥပဒေက ထပ်ပြီး ခွင့်ပြုထားပါသေးတယ်။
ဒီတော့ နအဖရဲ့ ဝှက်ဖဲက ဘာဖြစ်လာသလဲ ဆိုတော့ ၂၀၀၈ နာဂစ် အခြေခံ ဥပဒေ ဖြစ်လာပြီးတော့ ၂၀၁၀ ရွေးကောက်ပွဲ ဖြစ်မြောက်ရေးကို ဦးတည် လုပ်ကိုင်မှာပါပဲ။ အဲဒီ အတွက် ကုလသမဂ္ဂ နဲ့ နိုင်ငံတကာက “လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ပါစေ” လို့ သာပြော။ နအဖကလည်း “Yes” ပဲပေါ့။
လုပ်ချင်ရင် ခင်ဗျားတို့ ကိုယ်တိုင် လာပြီးတော့ သေချာကြီးကြပ်၊ စောင့်ကြည့်။ အကုန် မျှမျှတတ ဖြစ်စေရမယ်။ အီရန်လို မဲမခိုးစေရဘူး။ ဇင်ဘာဘွေလို မဲ ပြန်ပြီး ရေတွက်စရာ မလိုစေရဘူး။ ရလဒ်အတိုင်း မျှမျှတတ မှန်မှန်ကန်ကန် ဖြစ်စေရမယ်လို့ အာမခံပြီး ရွေးကောက်ပွဲကို လုပ်ပေးပြီး မြန်မာပြည်ကို ဒီမိုကရေစီ စနစ် ပြောင်းပေးလိုက်ပါပြီလို့ အော်ဟစ် ကြွေးကြော်မှာ သေချာနေကြောင်းပါ ခင်ဗျာ။ (ဟဲ . ဟဲ ... ၂၀၀၈ နာဂစ် ဥပဒေကိုတော့ ခင်ဗျားတို့ လာမထိနဲ့ ပေါ့ဗျာ။)
လေးစားစွာဖြင့်
ကိုထိုက်
မရေးဖြစ်တာတွေကတော့ အကြောင်းအရာ၊ အကြောင်းပြချက် အမျိုးမျိုးပါပဲ။ နောက်ဆုံး အဆုံးသတ်ရရင်တော့ ကျွန်တော့် အားနည်းချက်၊ ကျွန်တော် အလုပ် မလုပ်တာကြောင့်ပါပဲ။
အခုတော့ ဘန်ကီမွန်းကြီးလည်း မြန်မာပြည်ကနေ ပြန်လာခဲ့ရပြီ။ မကြာခင် ကာလ တစ်ခုမှာလည်း လူထုခေါင်းဆောင် ဒေါ်အောင်ဆန်းစုကြည်ကို မတရားတဲ့ ဥပဒေနဲ့ အကျဉ်းချဖို့ကလည်း သေချာသလောက် ရှိလာပါပြီ။
အခု လက်ရှိ ဖြစ်နေတဲ့ မြန်မာနိုင်ငံရေး အခြေအနေတွေကို ပကတိ ကျွန်တော်မြင်သလောက် ပြောချင်လာတာတွေ ရှိလာပါတယ်။
၁။ တိုင်းပြည်ကို စစ်တပ်က တာဝန်ယူထားလို့ တိုင်းပြည်ငြိမ်နေတာ မဟုတ် ...
တချို့သော နိုင်ငံတွေက ပြောနေကြတာတွေ ရှိပါတယ်။ သထူးသဖြင့် အာဆီယံ နိုင်ငံတွေက ပြောလေ့ရှိတဲ့ စကားလုံးတွေပါ။ အဲဒီ စကားလုံးတွေကတော့ “မြန်မာနိုင်ငံ တည်ငြိမ်နေတာ စစ်တပ်က အခုလို အာဏာကို ထိမ်းချုပ်ထားလို့ တည်ငြိမ် နေနိုင်တာ။ တကယ်လို့ အဲဒီလို ထိမ်းချုပ်မှု မရှိရင် မြန်မာပြည်က တည်ငြိမ်နိုင်စရာ မရှိဘူး။” ... အဲဒီလို အကြောင်းပြချက် စကားလုံးတွေနဲ့ လက်နက်ကိုင် အကြမ်းဖက် သမားအဖွဲ့(နအဖ) နဲ့ အတူတူ ပူပေါင်းပြီး လုပ်သင့်တာ လုပ်ရမယ်လို့ ပြောလေ့ရှိပါတယ်။
ဒါပေမယ့် အခု ကုလသမ္မဂ အထွေထွေ အတွင်းရေးမှုး ကိုယ်တိုင် မြန်မာပြည်ကို လာပြီး စေ့စပ်ဆွေးနွေးရေး လုပ်ဖို့ စကားလာပြောတာကို နအဖ ကိုယ်တိုင်က လက်ခံရတယ် ဆိုတာကြည့်ရင် ... အကြမ်းဖက် လက်နက်ကိုင် အဖွဲ့(နအဖ) ကိုယ်တိုင်က မြန်မာပြည်မှာ ပြဿနာတွေ ရှိနေတာကို ဝန်ခံနေပါတယ်။ ကုသမ္မဂကလည်း မြန်မာပြည်မှာ ပြဿနာတွေ ရှိနေတယ် ဆိုတာကို သက်သေပြ နေတာပါပဲ။ ဒီတော့ မြန်မာပြည်မှာ စစ်တပ်က အာဏာသိမ်းထားလို့ တိုင်းပြည် တည်ငြိမ်နေတယ် ဆိုတာ “လုံးဝ” အဓိပ္ပါယ် မရှိဘူးဆိုတဲ့ အချက်က ပထမ အချက်ပါပဲ။ ဒါ ဘယ်သူမှ ငြင်းလို့ မရတဲ့ အချက်အဖြစ် ကမ္ဘာက လက်ခံထားပြီး ဖြစ်နေပါပြီ။
တိုင်းပြည်ကို စစ်တပ်က တာဝန်ယူထားလို့ တိုင်းပြည်ငြိမ်နေတာ မဟုတ်ဘဲ တိုင်းပြည်အတွက် စစ်တပ်က ကိုယ်နဲ့ မဆိုင်တာကို ဝင်ရှုပ်တာကြောင့် တိုင်းပြည်မှာ ပြဿနာတွေ ဖြစ်နေတယ်လို့ ကောက်ချက်ချပါတယ်။
၂။ ကုလသမဂ္ဂ ခရီးစဉ်များ
ရာဇာလီ၊ ပီညဲရိုး၊ ဂမ်ဘာရီ အပါအဝင် အခု နောက်ဆုံး ဘန်ကီမွန်း အထိ ကုလသမဂ္ဂကနေ မြန်မာပြည်မှာ နိုင်ငံရေးနှင့် လူ့အခွင့်အရေး ကိစ္စရပ်များ ပြုပြင်ညှိနှိုင်းဖို့ လာရောက်ခဲ့တဲ့ အကြိမ်ပေါင်း အတော်များခဲ့ပါပြီ။ တခါမှ သိသာထင်ရှားသော အောင်မြင်မှု မရခဲ့ပါ။ အထွေထွေ အတွင်းရေးမှုး ကိုယ်တိုင်လာရောက်ခဲ့ရပြီး အရှက်ကွဲခဲ့ရတာ အားလုံးမျက်မြင်ပါပဲ။
ဒီတခေါက် ဘန်ကီမွန်း မြန်မာပြည်အတွက်လာခဲ့တာက သိတဲ့ အတိုင်း နိုင်ငံရေး ပြဿနာများ ညှိနှိုင်းဆောင်ရွက် ပေးနိုင်ရေး ဖြစ်ပါတယ်။ အရင်တခါလို နာဂစ် ကိစ္စ သီးသန့်မဟုတ်ဘဲ နိုင်ငံရေး ကိစ္စ သီးသန့်အတွက်ပါ။
ရာဇာလီ လာတယ်။ ပြန်တယ်။
ဂမ်ဘာရီ လာတယ်။ ပြန်တယ်။
မထူးဘူး။
တကြိမ်ထက် တကြိမ်မှာတောင် .. ပိုဖိနှိပ်တယ်။ လူပိုသတ်တယ်။ ပိုပြီး ဥပဒေမဲ့တယ်။ ပိုပြီး ယုတ်မာလာတယ်။
လူ့ယဉ်ကျေး အသိုင်းအဝိုင်းမှာက နောက်ဆုံး အထွေထွေ အတွင်းရေးမှု အဆင့်အထိ ကုလသမ္မဂက ကြိုးပမ်းတယ်၊ မအောင်မြင်ဘူး ဆိုတာကို သမိုင်းမှတ်တမ်း တစ်ခု အဖြစ် ကမ္ဘာနိုင်ငံရေး မှတ်တမ်း ဝင်သွားပါပြီ။ ဒီတော့ မြန်မာ့အရေးကို နောက်နောင် ကမ္ဘာ့ နိုင်ငံတွေမှာ ဆွေးနွေးကြတဲ့အခါ ဖြစ်လာခဲ့ရင်တော့ လက်နက်ကိုင်အကြမ်းဖက် အဖွဲ့(နအဖ) ဘက်ကနေ ပျော့ပျောင်းတဲ့ နည်းနဲ့ အဖြေရှာသင့်ပါတယ်လို့ ပြောတဲ့ နိုင်ငံတွေရဲ့ ပါးစပ်တွေကို ဖြတ်ရိုက် ပြီးသား ဖြစ်သွားပါပြီ။ ပြောနိုင်တော့မှာ မဟုတ်တော့ပါဘူး။ (တရုတ်တောင် ကမ္ဘာပေါ်မှာ သူ့သိက္ခာ ထိမ်းသိမ်းဖို့ လိုလာပြီလို့ တချို့နေရာတွေမှာ ယူဆလာတဲ့ အခါ၊ အခုလို နအဖ ကိစ္စအတွက် ဝင်ပြောဖို့ကတော့ သူ့သိက္ခာကို ကျစေတာ ဖြစ်နိုင်လို့ နောက်အကြိမ်တွေမှာ နအဖကို ကာကွယ်ဖို့ ခက်လာနေပါပြီ။)
ဒါဟာ အရင် ကုလသမဂ္ဂ ကိုယ်စားလှယ်တွေ အပါအဝင်၊ ဘန်ကီမွန်း အထိ လာရောက်ခဲ့ကြတဲ့ ခရီးစဉ်တွေရဲ့ မအောင်မြင်ခဲ့တဲ့ အောင်မြင်မှုလို့ ကောက်ချက် ချပါတယ်။
ဒါပေမယ့် ဒါတွေဟာ မြန်မာနိုင်ငံရေးရဲ့ အဖြေတော့ မဟုတ်သေးပါဘူး။
၃။ နအဖ ရည်မှန်းချက်နှင့် ဝှက်ဖဲ
လက်နက်ကိုင်အကြမ်းဖက်အဖွဲ့ (နအဖ) ရဲ့ ရည်မှန်းချက်ကတော့ ၂၀၁၀ ရွေးကောက်ပွဲ ဖြစ်မြောက်ရေးပါပဲ။ စကားလုံး အရ အတိအကျ ပြောတာ ဖြစ်ပါတယ်။ ၂၀၁၀ ရွေးကောက်ပွဲ ဖြစ်မြောက်ရေး ဟာ နအဖရဲ့ အဓိက ရည်မှန်းချက်ပါ။
သူက ရွေးကောက်ပွဲမှာ သူ့လူတွေ အနိုင်ရရေး၊ မရရေး၊ ..... NLD ပါရေး၊ မပါရေး .. စတာတွေကို ဂရုမစိုက်ပါဘူး။ သူ ဂရုစိုက်တာ တခုပါပဲ။ ရွေးကောက်ပွဲ ဖြစ်မြောက်ရေး တစ်ခုပါပဲ။
ဘာကြောင့် ဂရုမစိုက်သလဲ ဆိုတာကတော့ ရှင်းပါတယ်။
၂၀၁၀ ရွေးကောက်ပွဲမှာ အနိုင်ရလာတဲ့ ရလဒ်တွေဟာ ၂၀၀၈ ခုနှစ် နာဂစ် အခြေခံ ဥပဒေအရ အစိုးရဖွဲ့ရမှာ ဖြစ်ပါတယ်။ အဲဒီ အခြေခံဥပဒေ အရ အစိုးရဖွဲ့တဲ့အခါ .. ဘယ်သူနိုင်နိုင် မြန်မာပြည်ဟာ လက်နက်ကိုင် အကြမ်းဖက်ဖွဲ့ရဲ့ မတရားမှုတွေကို တရားဝင် အသိအမှတ်ပြုပေးရမှာ ဖြစ်နေလို့ပါပဲ။
ဘယ်သူနိုင်နိုင် ကာကွယ်ရေး ဦးစီးချုပ် (သို့) ကာကွယ်ရေး ဦးစီးချုပ်က ရွေးချယ်တဲ့ လူက အလိုလို သမ္မတဖြစ်လာပြီး အဲဒီ လူက တိုင်းပြည်ကို ချယ်လှယ်ပါလိမ့်မယ်။
ဝင်ရွေးခံကြ။ ပါတီ ဖွဲ့ကြ။ ပျော်ပျော်ကြီးနဲ့ ဘာမှ မရှိတာဟာ ရှိတာထက် ကောင်းတယ်လို့ ပြောကြတဲ့ လူတွေကတော့ အရိုးအရင်းလေးကိုက် ပါလီမန်မှာ ဝင်ထိုင်လိုက်၊ မဆိုစလောက် အာဏာလေး ပြပြီး လူထုကို အနိုင်ကျင့်လိုက် .... နအဖရဲ့ လူမိုက် အဆင့်အထိပဲ ရကြမှာပါ။ သူတို့မှာ တိုင်းပြည် ကံကြမ္မာကို ဖန်တီးနိုင်စွမ်း လုံးဝ မရှိပါဘူး။ အဲဒါနဲ့တင် မပြီးသေးပါဘူး။
ကာကွယ်ရေး ဦးစီးချုပ်က ရွေးလိုက်လို့ သမ္မတဖြစ်လာတဲ့လူက အခု ကာကွယ်ရေး ဦးစီးချုပ် အပါအဝင် လက်ရှိ နအဖ လူကြီးတွေရဲ့ အကျိုးစီးပွားတွေကို ထိခိုက်အောင် လုပ်လာမယ်ဆိုရင်လည်း နိုင်ငံတော် လုံခြုံရေး ကောင်စီလို့ ခေါ်တဲ့ အဖွဲ့မှာ ရှိတဲ့ စစ်တပ်ကို ကြိုးကိုင်တဲ့ လူတွေက လက်ရှိ စစ်တပ်ကို နွားကြီး တစ်ကောင်လို ထပ်ခိုင်းပြီး အာဏာ အချိန်မရွေး သိမ်းနိုင်အောင် အခြေခံဥပဒေက ထပ်ပြီး ခွင့်ပြုထားပါသေးတယ်။
ဒီတော့ နအဖရဲ့ ဝှက်ဖဲက ဘာဖြစ်လာသလဲ ဆိုတော့ ၂၀၀၈ နာဂစ် အခြေခံ ဥပဒေ ဖြစ်လာပြီးတော့ ၂၀၁၀ ရွေးကောက်ပွဲ ဖြစ်မြောက်ရေးကို ဦးတည် လုပ်ကိုင်မှာပါပဲ။ အဲဒီ အတွက် ကုလသမဂ္ဂ နဲ့ နိုင်ငံတကာက “လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ပါစေ” လို့ သာပြော။ နအဖကလည်း “Yes” ပဲပေါ့။
လုပ်ချင်ရင် ခင်ဗျားတို့ ကိုယ်တိုင် လာပြီးတော့ သေချာကြီးကြပ်၊ စောင့်ကြည့်။ အကုန် မျှမျှတတ ဖြစ်စေရမယ်။ အီရန်လို မဲမခိုးစေရဘူး။ ဇင်ဘာဘွေလို မဲ ပြန်ပြီး ရေတွက်စရာ မလိုစေရဘူး။ ရလဒ်အတိုင်း မျှမျှတတ မှန်မှန်ကန်ကန် ဖြစ်စေရမယ်လို့ အာမခံပြီး ရွေးကောက်ပွဲကို လုပ်ပေးပြီး မြန်မာပြည်ကို ဒီမိုကရေစီ စနစ် ပြောင်းပေးလိုက်ပါပြီလို့ အော်ဟစ် ကြွေးကြော်မှာ သေချာနေကြောင်းပါ ခင်ဗျာ။ (ဟဲ . ဟဲ ... ၂၀၀၈ နာဂစ် ဥပဒေကိုတော့ ခင်ဗျားတို့ လာမထိနဲ့ ပေါ့ဗျာ။)
လေးစားစွာဖြင့်
ကိုထိုက်
No comments:
Post a Comment