အတွေးရှင်းရှင်း တွေးကြည့်ပါ။

ကျွန်တော် စဉ်းစားလို့ မရတာ တခုရှိတယ်။ အခြေခံ တွေးမိတာလေးပါ။

ဘာလို့ နအဖက ရွေးကောက်ပွဲ လုပ်ပြီး၊ ဘာလို့ NLD က ဝင်မယ်၊ မဝင်ဘူး တွေးနေရတာလဲ မသိဘူး။

ရွေးကောက်ပွဲဆိုတဲ့ လုပ်ငန်း ဖြစ်စဉ်ကြီးက အလကား ငွေကုန် လူပန်းတဲ့ ဖြစ်စဉ်ကြီးပါ။ ဘာလို့လဲ ဆိုတော့ အောက်က အခြေခံ မေးခွန်းလေးတွေရဲ့ ရလဒ်အရ သိသာနေတာပါပဲ။

မေးခွန်း ( ၁ )။
၂၀၁၀ မတိုင်ခင် ကာလမှာ ....
မေး။ ............. တိုင်းပြည်ကို အမိန့်ပေး ရောင်းစားနေတာ ဘယ်သူလဲ ....

ဖြေ။ ............. သန်းရွှေနှင့် လက်နက်ကိုင် အကြမ်းဖက်သမား တစ်စု
(ဒါက လက်ရှိ ရွေးကောက်ပွဲ မတိုင်ခင် ဖြစ်ရပ်။)

မေးခွန်း (၂) ။
၂၀၁၀ လွန် ကာလမှာ ....
မေး။ ............... တိုင်းပြည်ကို အမိန်ပေး ရောင်းစားမှာ ဘယ်သူလဲ

ဖြေ။ ............... သန်းရွှေနှင့် လက်နက်ကိုင် အကြမ်းဖက်သမား တစ်စု
ဒါက အနာဂတ် ဖြစ်ရပ်။

မေးခွန်း (၃)
၂၀၁၀ မတိုင်ခင် တိုင်းပြည်၏ အခြေအနေနှင့် ၂၀၁၀ လွန် တိုင်းပြည်၏ အခြေအနေ ဘယ်လို ဖြစ်မလဲ။


ဘာလို့ ပြောနိုင်တာလဲ ။ ရှင်းပါတယ်။

နာဂစ် အခြေခံ ဥပဒေ ... သမ္မတ ၃ ယောက် ရှိတယ်။

၂ ယောက်က ပြည်သူတွေက ရွေးမယ်။ (ကောင်း၏။)

တစ်ယောက်ကို သန်းရွှေက ရွေးမယ်၊ (တိုင်းပြည်ရဲ့ ၃ ပုံ ၁ ပုံ ဆန္ဒမဲက သန်းရွှေမှာ ရှိနေတာပဲ။ အံ့သြ ကုန်နိုင်ဖွယ် ....... ။)

အဲဒီ ၃ ယောက်ထဲက တစ်ယောက်ကို သမ္မတ ရွေးတဲ့အခါ ပါလီမန် စစ်သား အစိတ်သားက ဆန္ဒမဲ ပေးရဦးမှာ။ အဲဒီ စစ်သား အစိတ်သားကို သန်းရွှေက ရွေးဦးမှာ။ (တိုင်းပြည်ရဲ့ နောက်ထပ် ၄ ပုံ ၁ ပုံ ကို သန်းရွေက ဆုံးဖြတ်ဦးမှာ။ အံ့သြ ကုန်နိုင်ဖွယ် ............ ။)

ဒီတော့ သမ္မတ သုံးယောက်ကနေ စစ်သား အစိတ်သားက ရွေးလိုက်ရာ (ဗိုလ်သန်းရွှေ ဆုံးဖြတ်ချက်အရ) ဦးသန်းရွှေ(သို့မဟုတ်)သန်းရွှေ၏ လူယုံ က သမ္မတမင်း ဖြစ်သွားပါရောလား။

ဒီတော့ .......
၂၀၁၀ မတိုင်ခင် ကာလ = ၂၀၁၀ လွန်ကာလာ

ဘာများ ထူးဦးမှာလဲ။

အဲဒီလို မထူးတာကို ... ဘာလို့ ငွေကုန်၊ အချိန်ကုန်ခံပြီး ရွေးကောက်ပွဲ လုပ်နေတာလည်းဆိုတာ စဉ်းစားမရသလို

NLD ကလည်း ဘာလို့ ဝင်မယ် မဝင်ဘူးဆိုတာကို အချိန်ကုန်ခံ တွေးနေရတာလဲ မသိ။


ကိုထိုက်

တပ်မှူးအမိန့်ပေးပါ

ပြည်တွင်းက ကြားနေရတဲ့ အသံတွေကတော့ အတော်မကောင်းပေ။ အထူးသဖြင့် NLD ထိပ်ပိုင်းကလူတွေရဲ့ တွေးခေါ်စဉ်းစားမှုတွေကို အတော်အော့နှလုံးနာမိတယ်။ ကျမ္မာရေးမကောင်းဘူးဆိုကာ ရုံးတောင်မတက်နိုင်တဲ့ ဦးအောင်ရွှေတစ်ယောက်၊ ရွေးကောက်ပွဲ ဥပဒေ၊ ပါတီမှတ်ပုံတင် ဥပကဒေတွေလဲ ထွက်ကရော ရုံးကို အပြေးအလွှားလာပြီး၊ မှတ်ပုံသွားတင်ဘို့ ပြောတယ်ဆိုတာ သတင်းတစ်ခုအရ သိရတော့။

အော် ဒီဗိုလ်ကြောက်တွေနဲ့တော့ .......

........ “ ..ပြောကိုမပြောချင်တော့ဘူး..”

လို့ဘဲ ဒေါ်မြလေး လေသံနဲ့သာ ပြောလိုက်ချင်တော့တယ်။

ဒေါ်အောင်ဆန်းစုကြည် ကတော့ ရတဲ့အခွင့်အရေးလေးကို အသုံးချပြီး၊ ကိုယ့်လူကြီးတွေဆီ အပြေးအလွှား သွားဂါရဝပြုရ၊ အားပေးရနဲ့၊ ထောင်ကျနေရက်နဲ့တောင်၊ ကိုယ်ရဲဘော်ရဲဘက်အချင်းချင်း၊ သွေးစည်း ဖေးမမှုကိုပြရှာတယ်။ ဟော..ခုတော့ သူတို့ (ဗိုလ်ကြောက်တွေနဲ့ အပေါင်းပါတွေ) က သူတို့ရဲ့ ဇာတိရုပ်တွေကို ဖွင့်ပြလိုက်ကြပါပြီ။

ပြည်သူလူထုအကျိုးစီးပွားတို့ တိုင်းပြည်အတွက်တို့ဆိုတာ စစ်အာဏာရှင် မဆလထိပ်သီး ဗိုလ်နေဝင်းကစပြီး ကနေ့ နဝတ၊ နအဖ စစ်အာဏာရှင်တွေအဆုံး အသံပြာတဲ့အထိ ကုန်းအော်ခဲ့တာဘဲ မဟုတ်ပါလား။ ဒါပေမဲ့ လက်တွေ့မှာ ဒင်းတို့တတွေ ဘာတွေလုပ်ခဲ့ကြပြီး၊ ပြည်သူလူထုကြီးနဲ့ တိုင်းပြည်မှာတော့ ဘယ်ဘဝရောက်သွားရတယ်ဆိုတာ၊ အစိမ်းလတ်လတ်ကြီး တွေ့မြင် ခံစားနေကြရပြီ မဟုတ်ပါလား။

ခုလဲ ကျွန်တော်တို့ ပြည်သူလူထုက လူထုတပ်ဦးပါတီကြီးအဖြစ် တာဝန်အပ်နှင်းထားတဲ့ ပါတီ(NLD)က ခေါင်းဆောင်ကြီးများဆိုတဲ့ လူတစ်စုက စစ်အာဏာရှင်တွေရဲ့ လေသံကိုလိုက်ပြီး၊ စစ်အာဏာရှင်တွေအလိုကြ လူထုကို သစ္စာဖေါက်၊ ကိုယ့်ရဲဘော်ရဲဘက်၊ လုပ်ဖေါ်ကိုင်ဖက်တွေရဲ့ ခေါင်းတွေကိုတက်နင်းပြီး၊ တိုင်းပြည်ကိုစစ်ကျွန်ပြုတဲ့ သမိုင်းလုပ်ရပ်ထဲမှာ ပူးတွဲ ကြံရာပါတွေအနေနဲ့ ပါဝင်ဘို့ စိုင်းပြင်းနေကြပြန်ပါတယ်။

နဝတ၊ နအဖကောင်တွေဟာ ဒီအုပ်စုကို အစီအစဉ်ရှိရှိများ NLD ထဲမှာ ယူဂျီအနေနဲ့ မြုပ်နှံထားလေသလားလို့တောင် ထင်ရလောက်ပါတယ်။ ဘာဖြစ်လို့လဲဆိုရင် NLD ရဲ့ နှစ်နှစ်ဆယ်ကျော်ခရီးမှာ ရန်သူနဲ့ ထိပ်တိုက်တွေ့ရပြီ၊ လူထုကိုပြတ်ပြတ်သားသား ဦးဆောင်မှု ပေးဘို့လိုလာပြီဆိုတိုင်း၊ အဲ့ဒီလူတွေဟာ အကြောင်းအမျိုးမျိုးပြပြီး၊ တိုက်ပွဲလမ်းကြောင်းကို ပြောင်းသွားအောင်၊ ရန်သူက ဖြစ်စေချင်တဲ့ ပုံစံအတိုင်းဖြစ်သွားအောင်၊ လုပ်ဆောင်လာခဲ့ကြတာကို နှစ် ၂၀ သမိုင်းမှာ ပြန်ကြည့်ရင် တွေ့ရမှာဖြစ်တယ်။

လူထုအတွက် လက်တွေ့ကြတဲ့ ဦးဆောင်မှု ဘာတစ်ခုမှ မယ်မယ်ရရ ဆုံးဖြတ်ဦးဆောင်ပေးခဲ့တာ မတွေ့ရပေမဲ့၊ ကိုယ့်ခေါင်းဆောင်နဲ့ ကိုယ့်ရဲဘော်တွေကိုရန်သူ့ အလိုကြ ထုတ်ပစ်စေချင်တဲ့အခါမှာတော့ ပြတ်သားစွာ လုပ်ဆောင်ပြတာကို တွေရတယ် မဟုတ်ပါလား။ အစိုးရ(ရန်သူ) အလိုကြနေ၊ ထိပ်တိုက်မဖြစ်စေနဲ့ ၊ဒါပေမဲ့ ကမ္ဘာကျော်အတိုက်အခံ နိုင်ငံရေးပါတီကြီး တစ်ခုဆိုတော့လဲ အများအမြင်မှာ တူတူတန်တန် ရှိအောင်လောက်တော့ ဖိန့်ဖိန့်လေးနဲ့ ကြေငြာချက်ကလေးဘာလေး၊ တစ်ချက် တစ်ချက်ထုတ်၊ ရန်သူငြိုငြင်မဲ့ကိစ္စဆို ဝေးဝးကရှောင်၊ ဒါဘဲတစ်လျှောက်လုံး လုပ်လာတာပါ။

ဒီတစ်ချီတော့ ဖေါရွှီးလုပ်နေလို့ မရတော့ပါဘူး။ NLD ထဲမှာ ဘယ်သူကတော့ ပြည်သူ့ဘက်တော်သား၊ ဘယ်သူကတော့ ရန်သူ့ ဘက်တော်သားဆိုတာ ကွဲကွဲပြားပြား တွေ့ကြရတော့မှာပါ။ စစ်အာဏာရှင်တွေရဲ့ စစ်ကျွန်ဇာတ်သွင်းတာကို ဘယ်လူတွေကတော့ လက်မခံဘူး၊ ဘယ်သူတွေကတော့ စစ်အာဏာရှင်တွေရဲ့ ခြေထောက်အောက်ကို လေးဘက်ထောက် ဝင်သွားကြတယ်ဆိုတာ ကျွန်တော်တို့ပြည်သူတွေ မကြာခင် ပြတ်ပြတ်ထင်ထင် တွေ့မြင်ကြရတော့မှာပါ။

ဦးခင်မောင်ဆွေဆိုသူက မေးမြန်းခန်းတစ်ခုမှာ ပြောလိုက်သေးတယ်၊ ....

“ကျွန်တော်တို့ ရွေးကောက်ပွဲကိုဝင်တာဟာ ခေါင်းငုံအရှုံးပေးတာမဟုတ်ပါဘူး…” တဲ့။


ဒီပြောစကားကို ကြည့်ရင် ဒီလူတွေမှာ နိုင်ငံရေးအရ ခံယူချက်တို့ နိုင်ငံရေး ဂုဏ်သိက္ခာတို့ လမ်းစဉ်တို့ မရှိဘူးဆိုတာ ပေါ်လွင်လှပါတယ်။ ဒီလူတွေကို ဒီနေရာရောက်လာအောင် သွေးလမ်းခင်းပေးခဲ့ကြရရှာတဲ့ ရဟန်းရှင်လူ ကျောင်းသားပြည်သူတွေရဲ့ မျက်နှာမကြည့်တော့ဘဲ၊ သစ္စာဖေါက်ဘို့ ကြံစည်နေကြတာလို့ ပြည်သူတွေကိုယ်စား၊ ခေတ်အဆက်ဆက် စစ်အာဏာရှင်စံနစ် တိုက်ဖျက်ရေးတိုက်ပွဲပေါင်းစုံမှာ အသက်ပေးလှူ ခဲ့ကြရတဲ့၊ ရဲဘော်အားလုံးရဲ့ ကိုယ်စား၊ ကျွန်တော်ပြောချင်တယ်။

စစ်အာဏာရှင်တွေရဲ့ စစ်ကျွန်ဘဝကို ပြည်သူတွေကို အတင်းမောင်းသွင်းနေတာကို တောင်ထိပ်ပေါ် ဆင်ရောက်နေသလို အထင်းသားမြင်တွေ့ နေရပါရဲ့နဲ့၊ ဒီအထဲ ဝင်လုပ်တာကဘဲ လူထုအတွက်လုပ်သလို ပြောဆိုလာတာကတော့ လုံးဝ လက်မခံနိုင်စရာပါ။

ဒီမိုကရေစီတော်လှန်ရေး နှစ် ၂၀ ကျော်ခရီးမှာ NLD ဟာ ရန်သူ့ တီးကွက်နဲ့သာ လိုက်ကနေခဲ့တာပါ။ ကိုယ်ပိုင်သံစဉ်၊ ကိုယ်ပိုင်မူနဲ့ လျှေက်ခဲ့တဲ့ကာလဟာ အနည်းအကျဉ်းဘဲ ရှိခဲ့ပါတယ်။

• ၁/၉၀ ဆိုလဲလက်ခံလိုက်၊ .....

• ပါတီခေါင်းဆောင် ဒေါ်အောင်ဆန်းစုကြည်ကို ပါတီကနေ ထုတ်ခိုင်းတော့လဲ ထုတ်လိုက်၊

• အမျိုးသားညီလာခံ တက်ရမယ်ဆိုလဲ တက်လိုက်ကြ ၊(ဒါတောင်ကြားမှာ ဒေါ်စု ပြန်လွတ်လာလို့ လမ်းမှန်ပေါ် ပြန်ရောက်သွားတာ)
• ဆန္ဒခံယူပွဲလုပ်တုန်းကလဲ ဝေဝါးဝါး၊

တောက်လျှောက် ဖြစ်စဉ်အားလုံးမှာ လက်တွေ့မပါတဲ့ ကြေငြာချက်တွေ တစ်လှေကြီး ထုတ်တာတွေဘဲ ထိုင်လုပ်နေတယ်လို့ပြောရင် လွန်မယ်မထင်ပါ။ ခုလို ပါတီတွင်း အချောင်သမားတွေရှိနေပေမဲ့ အမှန်တကယ် လူထုအတွက် အလုပ်လုပ်ချင်တဲ့ တက်ကြွတဲ့၊ ရိုးသားတဲ့ ပါတီဝင်ထုတွေလဲရှိပါတယ်၊ အဲ့ဒီလူတွေက ရန်သူကိုဒူးမထောက်စတမ်း တိုက်ပွဲဝင်ချင်နေကြပါတယ်။

ဒါပေမဲ့ အဲ့ဒီလူတွေရဲ့ လက်ထဲမှာ လုပ်ပိုင်ခွင့်အာဏာ မရှိကြပါဘူး။ ခုအချိန်မှာကျွန်တော်တို့ ပြည်သူတွေဟာ စစ်မြေပြင်မှာ တစ်ဖက်ရန်သူနဲ့သူသေ ကိုယ်ရှင် တိုက်ကြရတော့မှာပါ။ အဲ့ဒီလိုအနေအထားမှာ တပ်မှုး (Commander) ရဲ့ အမိန့်နဲ့ အဆုံးအဖြတ်ဟာ အဓိကကျလှပါတယ်။ ဒီလိုအချိန်မှာမှ ကိုယ့်တပ်မှုးက ပြတ်သားတဲ့ အမိန့်မပေးဘဲ တပ်ဖွဲ့ရဲ့ သဘောအတိုင်း လုပ်ပါဆိုလို့ မရပါ။ တိုက်ပွဲဖြစ်ရင် အထိအခိုက်တော့ ပေးရမှာပါ။

စစ်အာဏာရှင်တွေနဲ့ ဒီမိုကရေစီဘက်တော်သား လူထုတွေ မကြာခင် စီးခြင်းထိုးကြရတော့မဲ့ စစ်မြေပြင်မှာ တပ်မှုးဟာ လူထုခေါင်းဆောင် ဒေါ်အောင်ဆန်းစုကြည်ပါ။

ဦးအောင်ရွှေမဟုတ်ပါ၊ ဦးခင်မောင်ဆွေမဟုတ်ပါ၊

ဒေါ်စုအမိန့်ပေးတာကို လူထု(ပါတီဝင်ထု)က စောင့်နေကြပါတယ်။ ခုအချိန်မှာမှ အစည်းဝေးထိုင် ငြင်းခုံဆွေးနွေးလို့ မဖြစ်ပါ။ လက်တွေ့တိုက်ပွဲနဲ့ အမှန်တစ်ကယ် တွေ့ရတော့မယ်ဆိုတော့ သတ္တိကြောင်သူတွေ၊ အခွင့်အရေးသမားတွေက တိုက်ပွဲကို ရှောင်ချင်ကြတော့မှာ။

အဲ့တော့ အဲ့ဒီလို လူတွေရဲ့ လူစဉ်မမှီတဲ့ တွေးခေါ်စဉ်းစားချက်တွေကို ဒီလို သေရေးရှင်ရေးတမျှ အရေးကြီးနေတဲ့ အချိန်မှာ ရှင်သန်ခွင့်ပြုလို့ မရပါဘူး။

ရန်သူက ဖြစ်စေချင်တာကို မဖြစ်အောင် လုပ်ပြခြင်းကိုက ဂုဏ်သိက္ခာအရှိဆုံး နိုင်ငံရေး လုပ်ဆောင်ချက်ဖြစ်တယ်။ လူထုလမ်းစဉ်ဖြစ်တယ်။

ထိုလုပ်ဟန် လမ်းစဉ်သာလျှင် လူထုထောက်ခံ့မှုကို ရမှာဖြစ်တယ်။ လူထုပါတီဆိုတာ အာဏာရှင်တွေက ပေးသနားမှ ဖွဲ့လို့ရတာ မဟုတ်ပါ။ လူထုထောက်ခံမှုရှိရင်ပါတီဆိုတာ ရှိနေမှာပါ။

ဒါနဲ့ဆန်ကျင်ဘက်ကတော့ လူထုကို ကျွန်ဇတ်သွင်းမဲ့ ရန်သူကို မသိကျိုးကျွံပြုပြီး၊ လူထုစိတ်ဆန္ဒနဲ့ ဆန့်ကျင်နေလို့ ကတော့ ပါတီဆိုင်းဘုတ်ကြီးကို ဘယ်လောက်ဘဲ ကြီးအောင်တင်ထားတင်ထား၊ ပါတီရုံးကြီးကို ရွှေတွေဘဲ ချထားချထား၊ အဲ့ဒီပါတီကို လူထုက အသိအမှတ်ပြု လက္ခံမှာမဟုတ်ပါဘူး။

သမိုင်းအမှိုက်ပုံထဲ ရောက်သွားမှာပါ။

ဒါကြောင့် ဒီစစ်ပွဲအတွက် တပ်မှုး ဒေါ်အောင်ဆန်းစုကြည် အမိန့်ပေးပါ။

ရဲဘော်သန်းနိုင်
၂၀-၃-၂၀၁၀

အမှန်တရားဟာ သမိုင်းမှာ ဘယ်တော့မှ အရှုံးမရှိစေရဘူး

ကျနော့် (သို့မဟုတ်) ကျနော်တို့ရဲ့ NLD အပေါ်နဲ့ နိုင်ငံရေးအရ သုံးသပ်ချက်တွေဟာ ဒီနေ့ ကာလမှာ NLD ပါတီအနေနဲ့ လက်တွေ့ လက်ငင်းကြုံတွေ့နေရသည့် အခက်အခဲပါပဲ။ ဒိထက် ပိုဆိုးတာက အမှတ်သည်းခြေ မရှိသည့် NLD ဥက္ကဌဆိုသည့် ပုဂ္ဂိုလ်က ဘယ်လောက်တောင် ရဲဘော်ရဲဘက်စိတ် မရှိသလဲဆို - အသက်နဲ့ ရင်းပြီး၁၉၉၀ခုနှစ် ရွေးကောက်ပွဲ ရလဒ်ကို ကိုင်ဆွဲရမှာကို - ကိုယ်အဖွဲ့ အစည်းမှာရှိတဲ့ လက်တွဲဖော် (သို့မဟုတ်) လူထု ယုံကြည်အားကိုးရသည့် ခေါင်းဆောင် ဒေါ်အောင်ဆန်းစုကြည်ကို ဒီလို တိုက်ပွဲ ရေထဲမိုးထဲမှာတောင် ကယ်ထုတ်ဘို့၊ ကာကွယ်ဘို့ မပြုသည့်အပြင် ဒေါ်အောင်ဆန်းစုကြည်ကို လှံစွပ်နဲ့ ထိုးသတ်သည့် သေဆုံးစေမှုကို အရင်လုပ်ပြီး စစ်အုပ်က ဒူးထောက် အညံ့ခံခိုင်းသည့် ၂၀၀၈ကိုလည်း ဒူးထောက်မယ်၊ ၁၉၉၀ ခုနှစ်ရွေးကောက်ပွဲ အနိုင်ရခဲ့တာကိုလည်းစွန့် လွှတ်မယ်၊ လောလောလတ်လတ် ထုတ်ပြန်ထားတဲ့ ရွှေဂုံတိုင် ကြေငြာချက်ကိုလည်း စွန့်လွတ်ပြီး -၂၀၀၈ အတုအယောင် ဖွဲ့စည်းပုံကို ကာကွယ်စောင့်ရှောက်ဘို့ ဖောက်ပြန်တဲ့ ဒူးထောက် အညံ့ခံမှုကို ရွေးချယ်လိုက်တာဟာ - မြန်မာပြည်သူလူထုကို စော်ကားလိုက်တာပဲ ဖြစ်တယ်။


ဒီလို နိုင်ငံရေးအာဏာကို လောဘတက်ပြီး အတုအယောင် ရွေးကောက်ပွဲကိုဝင်မယ့် လူလိမ်လူကောက်တွေကို ဘယ်ပြည်သူလူထုကမှ မထောက်ခံပါဘူး။ အဲဒီလိုလူမျိုးဟာ ဘယ်တော့မှ သဘောထားမမှန်ပါဘူး။ NLD ပါတီအတွက် လူရှုပ်တွေလို့ပဲ ဆိုရပါလိမ့်မယ်။


ဒီလူတွေ အရွေးချယ်ခံစေဦးတော့ ပြည်သူလူထုကို အမှန်တကယ် ဦးဆောင်ဦးရွက် ပြုနိုင်မယ့် လူတွေမဟုတ်ဘူးဆိုတာပဲ လူထုကြီးက ဆုံးဖြတ်ပါလိမ့်မယ်။


ဦးဝင်တင်ရဲ့ ရပ်တည်ချက်ကို ဂုဏ်ယူလေးစားရမည်ဖြစ်သည်။

ယခု စစ်အုပ်စုထုတ်ပြန်လိုက်သည့် ရွေးကောက်ပွဲဆိုင်ရာ ဥပဒေအချက်အလက်တွေဟာ မြန်မာပြည်အတွက် အဖြေမဟုတ်ပါဘူး။ NLD ထဲမှာရှိနေသည့် တချို့လူတွေဟာ စစ်အုပ်စု ဘာတွေထုတ်ပြန်ထုတ်ပြန် အဲဒီထုတ်ပြန်ချက်တွေကို ဗဟိုပြုပြီး စဉ်းစားနေကြသ၍ အရှုံးနဲ့ပဲ ရင်ဆိုင်ရလိမ့်မယ်လို့မှတ်ပါ။

နောက်ဆုံးမှာတော့ ကျုပ်တို့ ပြတ်ပြတ်သားသားပဲ ပြောလိုက်ပါရစေ။ ဦးအောင်ရွှေလို ဦးခင်မောင်ဆွေလို လူမျိုးတွေ ဒီလိုအချိန်ကျမှ ရန်သူအပေါ် ဒူးထောက်လာခြင်းအပေါ်မှာ ကျုပ်တို့ အားလုံ ပြင်းပြင်ထန်ထန်ကန့်ကွက်တယ်၊ ရှုံ့ချတယ်။

NLD အထဲမှာရှိသည့် NLD လူငယ်များခင်ဗျား ..... ခင်ဗျားတို့ ဟာလူငယ်တွေပါ။ လူငယ်တွေပီပီ ယနေ့ မတရား တဘက်သတ်အကြပ်ကိုင်ထားတဲ့ အခက်အခဲကို ခင်ဗျားတို့ ရဲရဲရင့်ရင့်၊ ပြတ်ပြတ်သားသား ရင်ဆိုင်ရတော့မယ့်အချိန်ဖြစ်တယ်။ ခင်ဗျားတို့ မပြတ်သားရင် မြန်မာပြည်နိုင်ငံရေးသမိုင်းမှာ ခင်ဗျားတို့ဟာ သမိုင်တရားခံတွေဖြစ်သွားမယ်။ ကိုယ်စီးတဲ့မြင်းဟာ အထီးလား အမလား သေချာခွဲခြားနိုင်ဘို့လိုတယ်။ မှတ်ပုံတင်ရရုံလေးနဲ့ တိုင်းပြည်အတွက် အဓိပ္ပါယ်ရှိတဲ့ ခေါင်းဆောင်တွေကို နိုင်ငံရေးလှံစွပ်နဲ့ ထိုးပြီးနိုင်ငံရေးမှတ်ပုံတင်ဘို့ အဖြစ်လဲယူဘို့ကို မကြိုးစားလိုက်ပါနဲ့။ ၁၉၉၀ခုနှစ် ရွေးကောက်ပွဲရလဒ်ကို အသက်နဲ့လဲဘို့ ကာကွယ်စောက်ရှောက်ကြ။ အမှန်တရားဟာ သမိုင်းမှာ ဘယ်တော့မှ အရှုံးမရှိစေရဘူး။ ခင်ဗျားတို့ အနီးပါတ်ဝန်းကျင်မှာ နိုင်ငံတကာရှိတယ်။


ရဲဘော်ဂျာကြီး

(မှတ်ချက်ထဲ ရေးလာတဲ့ စာတစ်စောင်ရဲ့ သဘောထားကို ပို၍ သိသာထင်ရှားစေရန် ပြန်တင်လိုက်ပါသည်။)

စစ်အုပ်စု၏ ရွေးကောက်ပွဲ ဥပဒေအပေါ် အိန္ဒိယရောက် အင်အားစုများ၏ ပြတ်သားသည့် သဘောထားချက် ထုတ်ဖေါ်ချက်

(ဓါတ်ပုံများကို reuters နှင့် အညာနွေ တမာမြေ ဘလော့တို့မှ ရယူထားပါသည်။)

ရွေးကောက်ပွဲဝင်မည့် စစ်အာဏာရှင် အဖွဲ့ဝင်များ

မဇ္ဈိမသတင်းဌာန

အင်္ဂါနေ့၊ နိုဝင်ဘာလ 03 ရက် 2009 ခုနှစ် 18 နာရီ 37 မိနစ်၂၀၁၀ ရွေးကောက်ပွဲကို ဝင်ရောက်ယှဉ်ပြိုင်မည့် လက်ရှိ စစ်အစိုးရအဖွဲ့ဝင်များစာရင်းကို မဇ္ဈိမက ရနိုင်သမျှ စုံစမ်းဖော်ထုတ်ကာ စုစည်းတင်ပြထားခြင်း ဖြစ်ပါသည်။ (လျှို့ဝှက်လွန်းပြီး အာဏာကို အလုံးစုံ ချုပ်ကိုင်ထားမှု သဘောသဘာဝကြောင့် ရွေးကောက်ပွဲဝင်ရန် သတ်မှတ်ထားသူ စာရင်းတွင်လည်း အပြောင်းအလဲ ရှိနိုင်ပါသေးသည်။) စာဖတ်သူများအနေဖြင့်လည်း စုံစမ်းရရှိသော ရွေးကောက်ပွဲဆိုင်ရာ တင်းအချက်အလက်များကို editor@mizzima.com This e-mail address is being protected from spambots. You need JavaScript enabled to view it သို့ ပေးပို့ပါရန် မေတ္တာရပ်ခံပါသည်။

၁။ ဗိုလ်မှူးချုပ် အုန်းမြင့် (သတ္တုတွင်းဝန်ကြီးဌာန)
ပေါင်မြို့နယ်၊ မွန်ပြည်နယ်
၂။ ဗိုလ်မှူးချုပ် သန်းဌေး
မိတ္ထီလာ၊ သာစည်၊ မန္တလေးတိုင်း
၃။ ဗိုလ်ချုပ် သိန်းဆွေ
စစ်တွေမြို့၊ ရခိုင်ပြည်နယ်
၎။ ဒုတိယဗိုလ်မှူးကြီး ဥာဏ်ထွန်းအောင်
နွားထိုးကြီးမြို့နယ်၊ မန္တလေးတိုင်း
၅။ ဗိုလ်မှူးကြီး သိန်းညွန့်
မအူပင်မြို့နယ်၊ ဧရာဝတီတိုင်း
၆။ ဗိုလ်ချုပ် သိန်းဇော် (ဆက်သွယ်ရေးဝန်ကြီး)
မြစ်ကြီးနား၊ ကချင်ပြည်နယ်
၇။ ဗိုလ်မှူးချုပ် ကျော်ဆန်း (ပြန်ကြားရေးဝန်ကြီး)
ပုလဲမြို့နယ်၊ စစ်ကိုင်းတိုင်း
၈။ ဦးအောင်သောင်း (စက်မှု ၁ ဝန်ကြီး)
မန္တလေးမြို့၊ မန္တလေးတိုင်း
၉။ ဦးစိုးသာ (စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီး)
တွံတေးမြို့နယ်၊ ရန်ကုန်တိုင်း
၁ဝ။ ဗိုလ်ချုပ် တင်နိုင်သိန်း (ကုန်သွယ်ရေးဝန်ကြီး)
(မသိရသေးပါ။)
၁ဝ။ ဦးမောင်မောင်သိမ်း (ခရမ်းမြို့နယ် အသင်းနာယက) ဗိုလ်မှူးချုပ်
ခရမ်းမြို့နယ်၊ ရန်ကုန်တိုင်း
၁၁။ ဗိုလ်မှူးချုပ် အေးမြင့် (အားကစားဝန်ကြီး)
ဟားခါးမြို့နယ်၊ ချင်းပြည်နယ်
၁၂။ ဒေါက်တာ ချမ်းငြိမ်း (ပညာရေးဝန်ကြီး)
ကန့်ဘလူမြို့နယ်၊ စစ်ကိုင်းတိုင်း
၁၃။ ဗိုလ်ချုပ် အောင်မင်း (ရထားပို့ဆောင်ရေးဝန်ကြီး)
ကဝမြို့၊ ပဲခူးတိုင်း
၁၄။ ဗိုလ်မှူးကြီး ဇော်မင်း (လျှပ်စစ်စွမ်းအားဝန်ကြီးဌာန)
မကွေးမြို့၊ မကွေးတိုင်း
၁၅။ ဗိုလ်မှူးချုပ် သိန်းအောင် (သစ်တောဝန်ကြီး)
အင်္ဂပူမြို့နယ်၊ ဧရာဝတီတိုင်း
၁၆။ ဗိုလ်ချုပ် ဌေးဦး (စိုက်ပျိုးရေးဝန်ကြီးဌာန)
ပျော်ဘွယ်၊ရမည်းသင်း မန္တလေးတိုင်း
၁၇။ ဗိုလ်မှူးချုပ် အောင်သိန်းလင်း (ရန်ကုန်မြို့တော်ဝန်)
ရန်ကုန်
၁၈။ ဗိုလ်ချုပ် စိုးနိုင် (ခရီးသွားလာရေးဝန်ကြီးဌာန)
ဒေးဒရဲမြို့နယ်၊ ဧရာဝတီတိုင်း
၁၉။ဗိုလ်မှူးချုပ် လွန်းသီ (စွမ်းအင်ဝန်ကြီးဌာန)
ကွမ်းခြံကုန်း ရန်ကုန်တိုင်း

(မဇ္စိုမ သတင်းမှ ရယူထားပါသည်။)

ပန်းပဲတန်းမြို့နယ် လမ်း၃၀မှာ ၃ ထပ်တိုက်ပြိုကျ

(မိုးမခမှ ရယူထားပါသည်။)

မိုးမခ အထောက်တော်၊ ရန်ကုန်

မတ်လ ၁၄၊ ၂၀၁၀

ယနေ့ ညနေ ၄နာရီက အမှတ် ၆၃၆ ကုန်သည်လမ်းနှင့် လမ်း ၃၀ထောင့်ရှိ ၃ ထပ်တိုက်တလုံး ရုတ်တရက်ပြိုကျမှု ဖြစ်ပွားရာ အဆိုပါတိုက်တွင် နေထိုင်သူအချို့ အပျက်အစီးများအကြား ပိတ်မိလျက် ရှိနေပြီး ကယ်ဆယ်ရေး အဖွဲ့များက ရှင်းလင်းဖယ်ထုတ်လျက် ရှိသည်။

အဆိုပါ အနီးနားတွင် ဈေးရောင်းနေသူ တဦးက

“ဒီအဆောက်အဦက လွန်ခဲ့တဲ့ ၄လ လောက်ကတည်းက အန္တရာယ်ရှိ အဆောက်အဦ လို့ဆိုင်းဘုတ်လာကပ်သွားတယ်။ ဒါပေမယ့် အဲဒီမှာ နေတဲ့သူတွေက မပြောင်းကြသေးတာ၊ အခုညနေ ၄နာရီက ရုတ်တရက်ပြိုကျတာ၊ အုတ်အမှုန့်တွေ ဒီအထိတောင် ရောက်တယ်။ အထဲမှာ လူဘယ်နှစ်ယောက် ရှိနေလဲတော့ ကျွန်တော်လည်း မသိဘူး”

ဟု ပြိုကျသည့် တိုက်နှင့် မျက်စောင်းထိုးတွင် အအေးရောင်းသူ ကပြောသည်။
အဆိုပါ ၃ ထပ်တိုက်၏ မျက်နှာစာ တခြမ်းလုံး ပြိုကျသွားခြင်းဖြစ်ပြီး အထပ်တိုင်း၏ ကြမ်းခင်း သံတန်းများမှာ ကွေးကောက်လျက်ရှိသည်ကို တွေ့ရသည်။ ကွန်ကရစ် အခင်းအဆောက်အဦဖြစ်ပြီး အထက်ထပ် ၃ထပ်စလုံး ပြိုကျသည့် အပျက်အစီးများမှာ မြေညီထပ်တွင် ၈ပေ အမြင့်အထိ စုပုံလျက်ရှိနေပြီး အဆိုပါ အုတ်ကျိုးများနှင့် အုတ်အပိုင်းအစများ အကြား နေထိုင်သူများ ပိတ်မိနေခြင်း ဖြစ်သည်။

အဆိုပါ အပျက်အစီးများအား မီးသတ်၊ အရန်မီးသတ်တို့နှင့် ရပ်ကွက်နေထိုင်သူ အချို့တို့က လက်ဖြင့်သော်လည်းကောင်း၊ ကရိန်းကား အလတ်စားဖြင့် သော်လည်းကောင်း ဖယ်ရှားလျက်ရှိသည်ကို ပြိုကျပြီး ၁နာရီကျော်အကြာ တွင်တွေ့မြင်ရသည်။ အဆိုပါ နှုန်းထားဖြင့် အပျက်အစီးများအား ဖယ်ရှားနေပါက နောက်ထပ် နာရီအနည်းငယ်ကြာ နိုင်ပြီး ပိတ်မိနေသည့် သူများအသက်ချမ်းသာရ ရဖို့အခွင့် အလမ်းနည်းပါးသွားနိုင် သည်ဟု ရပ်ကွက်နေသူ တဦးကပြောသည်။

အနီးနားနေသူ တဦးက “ အထဲမှာ မိန်းကလေး တယောက်ပိတ်မိနေတယ်။ လက်ကိုင်ဖုန်းနဲ့ အပြင်ကို နှစ်ကြိမ်ဆက်တယ်။ ပြိုပြီးခါစက သူ အပျက်အစီးအောက်မှာ ပိတ်မိနေတယ်ဆိုတာ နောက်တော့ ထပ်မဆက်တော့ဘူး။”

လမ်း ၃၀ တွင်နေထိုင်သူ အခြားတဦးကမူ “ တိုက်ပြိုကျတာ တီဗီထဲမှာ တွေ့ရတဲ့ ဝေါလ် ထရိတ်စင်တာကျနေတာပဲ၊ ဖုန်လုံးတွေ ထပြီး ရုတ်တရက်ြပိုကျသွားတာ”

ဟုပြောသည်။
ရန်ကုန်မြို့တွင် ကိုလိုနီခေတ် အဆောက်အဦ ထောင်ဂဏန်းနှင့်ချီ ရှိနေသေးပြီး အခါအားလျော်စွာ မြို့တော် စည်ပင်သာယာရေး ကော်မတီမှ စစ်ဆေးကာ အန္တရာယ်ရှိ အဆောက်အဦ အဖြစ်သတ်မှတ်ပြီး ဖြိုဖျက်ကာ အသစ်ပြန်ဆောက် စေသော်လည်း နေထိုင်သူများက သက်ဆိုင်ရာကို လာဘ်များပေးကာ သတ်မှတ်ကာလအတွင်း ဖယ်ရှားခြင်း မပြုပဲ နေထိုင်သည့် အဖြစ်အပျက်များလည်း ရှိသည်ဟု ရန်ကုန်မြို့ခံများကပြောသည်။

၁၉၈၈ ခုနှစ် မတ်လ ၁၂ - ၁၃ ရက်နေ့ ရန်ကုန် စက်မှု တက္ကသိုလ်တွင် ဖြစ်ခဲ့သော အဖြစ်အပျက်များ

အပြည့်အစုံ ဖတ်လိုလျှင် download လုပ်ပြီး ဖတ်နိုင်ပါသည်။

မြန်မာနိုင်ငံ လူ့အခွင့်အရေးနေ့

အပျင်းပြေ ရီစရာလေးပါ ...

နားထောင်ဖူးသူတွေလည်း ရှိကြသလို၊ နားမထောင်ဖူးသူတွေအတွက်တော့ အသစ်နားထောင်နိုင်အောင် တင်လိုက်ပါတယ်။

တနိုင်ငံလုံးရဲ့ ဆန္ဒနဲ့ သန်းရွှေရဲ့ ဆန္ဒ ... ကဲ .. ဘယ်ဟာကို ရွေးကြမလဲ

ရွေးကောက်ပွဲ ဥပဒေ ဆိုတာကြီးကို နအဖ စစ်အုပ်စုရဲ့ ခေါင်းဆောင် သန်းရွှေက လက်မှတ်ထိုးပြီး ထုတ်လေရဲ့။ ဖတ်ကြည့်လိုက်တဲ့ အခါမှာ အောက်ဆုံး ၂ ပိုဒ်မှာတင် သန်းရွှေဆိုတာ အရှက်တရား မရှိအောင် ကမ်းကုန်နေပြီး၊ တစ်နိုင်ငံလုံးကို သေနတ်ပြပြီး လုပ်ချင်ရာ လုပ်မယ်ဆိုတဲ့ လူမိုက် ဝါဒီ တစ်ယောက်ဆိုတာ ဥပဒေနဲ့ သက်သေပြလိုက်တာပါပဲ။

အောက်ဆုံး ၂ ပိုဒ်က စာသားတွေကတော့

၉၁ ။ (က) ပြည်သူ့လွှတ်တော် ရွေးကောက်ပွဲ ဥပဒေ (နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ ဥပဒေ အမှတ် ၊ ၁၄/၈၉) ကို ဤ ဥပဒေဖြင့် ရုပ်သိမ်းလိုက်သည်။

(ခ) ဤဥပဒေဖြင့် ရုတ်သိမ်းလိုက်သည့် ဥပဒေအရ ကျင်းပခဲ့သော ပါတီစုံ ဒီမိုကရေစီ အထွေထွေရွေးကောက်ပွဲသည် ဖွဲ့စည့်ပုံ အခြေခံဥပဒေနှင့် လိုက်လျော ညီထွေမရှိတော့သည့်အတွက် ယင်းရွေးကောက်ပွဲ ရလဒ်များသည် အလိုအလျောက် ပျက်ပြယ်သည်ဟု မှတ်ယူရမည်။ ...... တဲ့။

တနိုင်ငံလုံးက ပြည်သူတွေ ပေးထားခဲ့တဲ့ ၁၉၉၀ ရွေးကောက်ပွဲက မဲတွေက ဘယ်ရောက်သွားပြီလဲ။ အဲဒီနေ့ အဲဒီ အချိန်က ပြည်သူတွေရဲ့ ဆန္ဒတွေကို ပြောင်ပြောင်တင်းတင်း စော်ကားလိုက်တာပါပဲ။ ပြည်သူတွေရဲ့ မဲတွေကို ဖျက်ဆီးလိုက်တာပါပဲ။

အဲဒီနေ့ အချိန်က သုံးခဲ့ပြီး ပြည်သူတွေရဲ့ ပြည်သူ့ ဘဏ္ဍတွေကို ဘယ်လို သတ်မှတ်ရမှာလဲ။

သန်းရွှေ တစ်ယောက်ထဲရဲ့ အရူးထတဲ့ ဆန္ဒတစ်ခုတည်းကြောင့် တနိုင်ငံလုံးက ဝိုင်းပေးခဲ့တဲ့ ၁၉၉၀က ပြည်သူ့ဆန္ဒတွေကို ပယ်ဖျက်ပစ်ရမှာလား။ မြန်မာနိုင်ငံတနိုင်ငံလုံးရဲ့ဆန္ဒက အရေးကြီးသလား သန်းရွှေရဲ့ ဆန္ဒက အရေးကြီးသလားဆိုတာ အားလုံး စဉ်းစားဖို့ လိုလာပါပြီ။

တကယ်လို့ အခု ၂၀၁၀ မှာ ရွေးကောက်ပွဲ လုပ်ပြီးတာကို ပြီးပြီးရော သဘောတူလိုက်ပြီး ..... နောက်တခါ ရွေးကောက်ပွဲ ဥပဒေ ထပ်ထုတ်ပြီး ၂၀၁၀ ခုနှစ် ရွေးကောက်ပွဲ ဥပဒေအရ ကျင်းပခဲ့တဲ့ ရွေးကောက်ပွဲ ရလဒ် ပျက်ပြယ်ပါတယ်ဆိုပြီး သန်းရွှေက ထပ်လုပ်မယ် ဆိုရင်ရော .... ။ မလုပ်ဘူးလို့ ဘယ်သူ အာမ ခံနိုင်သလဲ။ သန်းရွှေ ဦးဆောင်တဲ့ နအဖ စစ်အုပ်စုဆိုတာ ကမ္ဘာ့အသိအမှတ်ပြု လူလိမ် စစ်အုပ်စုဆိုပြီး အသိအမှတ်ပြုခံရတဲ့ လူတစ်စုဆိုတာပါ ထည့်တွက်ရမှာ ဖြစ်ပါတယ်။

ပထမ အကြိမ် အလိမ်ခံရရင် လိမ်တဲ့ လူရဲ့ အပြစ် ဖြစ်ပေမယ့်၊ ဒုတိယ တကြိမ် အလိမ်ခံရရင်တော့ အလိမ်ခံရတဲ့ လူရဲ့ အပြစ်ဆိုတာ မမေ့သင့်ပါဘူး။

တစ်နိုင်ငံလုံးမှာ ရှိတဲ့ လူတွေက လူလိမ်တွေကို အပြစ်မဖြစ်အောင် ဒုတိယမကြိမ် အလိမ်ခံနေကြတယ်လို့ ပြောခံရမယ့် ကိန်းဆိုက်နေပြီလား။

နောက်ပြီး ဥပဒေဆိုတာ တစ်တိုင်းပြည်လုံး၊ (ဥပဒေ ထုတ်သူ အပါအဝင်) ပြည်သူပြည်သားတိုင်းကို ဦးတည်ပြီး သတ်မှတ်ပြဌာန်းရတယ်လို့ နားလည်ပါတယ်။ အခုတော့ ဥပဒေ ဆိုတဲ့ စကားလုံးကို သုံးပြီး လူတစ်ဦးတစ်ယောက်၊ လူတစ်စုလောက်ကို ရည်ညွန်းပြီး တားမြစ်ကန့်သတ်ဖို့ကြိုးစားတယ်ဆိုတာကလည်း ဥပဒေကို စော်ကားတာပါပဲ။ တိုင်းပြည်အပေါ် ယုတ်မာ ကောက်ကျစ်တဲ့ လုပ်ရပ်ပါပဲ။ ငါ့မှာ သေနတ်ရှိတယ် ဆိုပြီး ပြည်သူတွေ အားလုံးကို သေနတ်နဲ့ ထောက်ပြီး အနိုင်ကျင့်နေတဲ့ လူမိုက် လုပ်ရပ်ပါ။

အခုလို သန်းရွှေရဲ့ ဆန္ဒ တစ်ခုတည်းကြည့်ပြီး ပြည်သူကို စော်ကားလိုက်တဲ့ ဥပဒေနဲ့ ရွေးကောက်ပွဲ ထပ်လုပ်ပြီး သန်းရွှေရဲ့ ဆန္ဒအတိုင်း လွှတ်တော် ဆိုတာကြီးပေါ်လာကာ ဒီမိုကရေစီ နိုင်ငံတော် ဖြစ်နေပါပြီလို့ အရှက်မဲ့ အော်မယ့် ပါးစပ်တွေကိုလည်း မြင်နေရပါတယ်။

စနစ်တစ်ခုဟာ တိုင်းပြည်တွင်းမှာ ရှိတဲ့ ပြည်သူတွေ အားလုံးရဲ့ ဆန္ဒကို ကိုယ်စားမပြုဘဲ လူတစ်ဦးတစ်ယောက်ရဲ့ ဆန္ဒအရ ဖေါ်ဆောင်ထားမယ်ဆိုရင် အဲဒီ စနစ်ဟာ ဘယ်တော့မှ တည်ငြိမ်အေးချမ်းမှာ မဟုတ်သလို ဘယ်လို နာမည်ပဲ တပ်ခေါ်ခေါ် ပြည်သူတွေက အဲဒီ စနစ်အရ ဖြစ်လာနေတဲ့ အုပ်ချုပ်သူတွေကို ထာဝရ တွန်းလှန်နေမှာပဲ ဆိုတာ .... နအဖ စစ်အုပ်စု သိအောင် ပြောလိုက်ချင်ပါတယ်။

ကိုထိုက်