လွှတ်တော် ၂၀၁၀
ရဲဘော်တို့
အခု ဘောင်းဘီတွေ ခဏချွတ်၊
ငါတို့ သေနတ်တွေ ခါးပုံစထဲမှာ မမြင်အောင်ဖွက်လို့
လွှတ်တော်ထဲကို စစ်ထွက်ကြမယ်...
အဲဒီတော့ မှာချင်တာ
၁။ လုပ်ချင်တာတွေ ဆက်လုပ်ကြမယ်။
အဲဒီတော့ မှာချင်တာ
၂။ ရမ်းချင်တိုင်းရမ်းကြမယ်။
အဲဒီတော့ မှာချင်တာ
၃။ ရိုင်းသမျှ ကိုယ့်အတွက်ဘဲဖြစ်ရမယ်။
ရဲဘော်တို့
အခု ရင်ကျိုးခံ ခါးကုန်းစံမယ့်
ပြည်သူတွေက အဆင်သင့်ဘဲ
ပြည်သူဆိုတာ ငါတို့ရန်သူ
ဒီမိုကရေစီဆိုတာ
ငါတို့ ခိုးလုဆောင်းရမယ့် သရဖူ
ဘာအဖြူတွေ့တွေ့ အရောင်ခြယ်
အမှန်ပြောသူတွေအတွက်
ငါတို့ပြင်ဆင်ထားခဲ့တဲ့
ကြံတောအသစ်တွေနဲ့
နရသိန်ဝင်စာလက်မှတ်အသစ်တွေ အဆင်သင့်
တာလဘောဟင်းချိုအရသာသစ်နဲ့
အာဏာသိမ်းမှုအသစ်ဟာ
တို့ ဆက်လျှောက်မယ့် ရည်မှန်းချက်ဖြစ်တယ်
အရာရာဟာ အစိမ်းနဲ့ဘဲ အယူတိမ်းရမယ်။
ငါတို့ အဲဒီလွှတ်တော်ထဲမှာလည်း
အောင်လံဆက်ထူမယ်....
ရဲဘော်တို့
”အားလုံးသတိ..”.....။ ။
ရွက်သစ်
(Fri) 07. 05. 2010
No comments:
Post a Comment