State terrorist, Than Shwe

အသက် (၇၀) ကျော်အထိ အရှက်မရှိဘဲ စစ်ဝတ်စုံဝတ် မျက်နှာပြောင်တိုက် မဲ ပေးနေသော သန်းရွှေ၊
အခြားနိုင်ငံမှ နေ့ထူးနေ့မြတ်များကို တကူးတက လက်မှတ်ထိုး သဝဏ်လွှာ ပေးနိုင်သော်လည်း လူသိန်းဂဏန်း သေနေတဲ့ မြန်မာလူမျိုးတွေ အတွက် ဝမ်းနည်းစကားလေးတောင် မပြောနိုင်ဘဲ မိမိကိုယ်ကို နိုင်ငံတော် အကြီးအကဲလို့ ခံယူထားသော လူယုတ်မာ

မုန်းတိုင်းကြောင့် ဒုက္ခရောက်နေတဲ့ ပြည်သူတွေကို မကူညီဘဲ မဲပေးဖို့နဲ့ ဆန္ဒခံယူပွဲလုပ်ပါတယ်။ အကူအညီ ပေးမယ့်လူတွေ ပစ္စည်းတွေကို ပိတ်ဆို့ထားတာဟာ အသက်အန္တရာယ်နဲ့ ရင်ဆိုင်နေရတဲ့ လူတွေကို ဂရုမစိုက် သေချင်ရာ သေဆိုပြီး ပစ်ထားတဲ့ သန်းရွှေရဲ့ နိုင်ငံကို အကြမ်းဖက် လုပ်ကြံမူ ဖြစ်ပါတယ်။

ဒါတွေဟာ လူသတ်မူ ဖြစ်ပါတယ်။

နောက်ဆက်တွဲ ဖြစ်ပေါ်လာမယ့် ကပ်ရောဂါတွေကြောင့် လူ တသန်းခွဲလောက် သေနိုင်တယ်လို့ ကျွမ်းကျင်သူတွေက ခန့်မှန်းပါတယ်။ တကယ်လို့ ဖြစ်ဖြစ်ခြင်းမှာ အကူအညီတွေကို လွတ်လွတ်လပ်လပ် ကူညီခွင့် ပေးလိုက်ရင် ဒီလို ကပ်ရောဂါဆိုးတွေကို ကြုံရမှာ မဟုတ်ပါဘူး။ ဒါတွေဟာ အစုလိုက် အပြုံလိုက် လူသတ်မူပါ။ ဒုတိယ ကမ္ဘာစစ် အတွင်းက ဟစ်တလာက ဂျူးလူမျိုးတွေကို အစုလိုက် အပြုံလိုက် သတ်သလို မူမျိုးပါပဲ။

ပြဿနာတွေဟာ ဒီမှာတင် ရပ်နေမှာ မဟုတ်သေးပါဘူး။ မြန်မာနိုင်ငံရဲ့ စပါးကျီဖြစ်တဲ့ ဧရာဝတီတိုင်းကြီး ပျက်စီးသွားတာပါ။ အဲဒီ ဒေသက စပါးထုတ်လုပ်ရေး လုပ်ငန်းကြီး ပျက်ဆီးသွားတာပါ။ လယ်တွေ ပျက်ပါတယ်။ လယ်ထွန်ပြီး မြန်မာလူမျိုးတွေကို ထမင်းကျွေးနေတဲ့ ထမင်းရှင်တွေ သေကြပါတယ်။ လယ်ထွန်တဲ့ ကျွဲနွားတွေ သေကြပါတယ်။ လယ်ထဲကို ဆားငံရေတွေ ဝင်ပါတယ်။

အသက်ရှင်ကျန်နေတဲ့ ကျေးဇူးရှင် လယ်သမားကြီးတွေကို ကူညီကယ်တင်မယ့် နိုင်ငံတကာ အကူ အညီတွေကို မလာနိုင်အောင် ပိတ်ဆို့ထားပါတယ်။

ဗေဒင်ဟောတာမှ မှားနိုင်သေးတယ်။ မမှားတာက ဧရာဝတီတိုင်းမှာ ဒီနှစ် မိုးရာသီ လယ်မထွန်နိုင်ပါဘူး။ ပျိုး မကျဲနိုင်ပါဘူး။ ဒီနှစ် ဧရာဝတီတိုင်းမှာ စပါးပေါ်ချိန် မရှိနိုင်တော့ပါဘူး။ ဒါဆို နောင်နှစ် ၂၀၀၉ မှာ မြန်မာနိုင်ငံမှာ စပါး မလုံလောက်မူ ကြုံတွေ့နိုင်ပါတယ်။

ဒါ့အပြင် ဆားငံရေ ဝင်ထားတဲ့ လယ်မြေတွေဟာ ၂၀၀၉ ခုနှစ် စပါးစိုက်ချိန်မှာ အချိန်မီ လူ၊ ငွေ၊ စက်ပစ္စည်းတွေ (အနောက် အရပ်ကသာ နေဝင်နိုင်ပါ့မယ်၊ လယ်သမားတွေကို အချိန်မီ လူ၊ ငွေ၊ စက်ပစ္စည်းတွေ မရနိုင်ပါဘူး။) ရလျှင်တောင်မှ စပါး မစိုက်နိုင်တော့ပါဘူး။ စပါး ပြဿနာ တော်တော်လေးကြီးမားလာမှာ ဖြစ်တာကြောင့် နောင်နှစ်တွေမှာပါ တိုင်းပြည်ရဲ့ စားနပ်ရိက္ခာ မလုံလောက်တဲ့ ပြဿနာ ဖြစ်လာမှာပါ။

ဒါတွေ အားလုံးအာ နအဖနဲ့ သန်းရွှေရဲ့ နိုင်ငံတော်ကို အကြမ်းဖက်နေခြင်း ဖြစ်ပါတယ်။ လူတွေ ကို အစုလိုက် အပြုံလိုက် သတ်ဖြတ်နေခြင်းသာ ဖြစ်ပါတယ်။

ဧရာဝတီတိုင်းက သေဆုံးသွားကြတဲ့ လူတွေထဲမှာ တပ်မတော်သားတွေ၊ တပ်မတော်သား မိသားစုတွေ ပါဝင်ကြပါတယ်။ အခု ဒုက္ခရောက်နေရာမှာလည်း တပ်မတော်သား မိသားစု ဆွေမျိုးတွေပါကြပါတယ်။ အဲဒီလူတွေလည်း အကူအညီ မရကြပါဘူး။ လူတွေက နာရီတိုင်းမှာ သေနိုင်ပါတယ်။ သေမယ့် လူတွေထဲမှာ တပ်မတော် မိသားစုတွေ ပါဝင်ကြပါတယ်။

ကဲ... ဒီလို လူသတ်သမားတွေက သတ်နေတာချိန်မှာ မြန်မာနိုင်ငံသားတွေက ဘာတွေ လုပ်နိုင်ကြပါသလဲ။

အစိုးရဝန်ထမ်း လုပ်နေတဲ့ လူတွေကလည်း မိမိတိုင်းသူပြည်သားတွေရဲ့ အသက်အန္တရာယ်တွေနဲ့ အထက်က ပေးတဲ့ အမိန့်ဆိုတဲ့ ရွေးစရာ နှစ်ခုမှာ ဘာကို ရွေးမှာလဲ။ ငါတို့က မတတ်နိုင်ဘူး၊ ခိုင်းတာကို လုပ်နေရတာဆိုပြီး အကြောင်းပြချက်တွေဟာ လူပေါင်း သိန်းဂဏန်း သေတဲ့ အချိန်မှာ လုံလောက်တဲ့ အကြောင်းပြချက်တွေ မဟုတ်တော့ပါဘူး။ အသိစိတ်ဓါတ်ရှိရှိ တိုင်းပြည်နဲ့ လူမျိုးအတွက် အမျိုးသားရေး တာဝန်အဖြစ် မတရားတဲ့ အမိန့်တွေကို ဆန့်ကျင်ကြဖို့ လိုပါတယ်။

နိုင်ငံတကာ အဖွဲ့ အစည်းတွေနဲ့ ဒီမိုကရေစီ အင်အားစုတွေက တတ်တတ်ကြွကြွ ကူညီဖို့ လှုံဆော်နေကြတာ မြန်မာနိုင်ငံသား အားလုံးအသိပါ။

အဲဒီလို အချိန်မှာ မြန်မာ နိုင်ငံ မပြန်ရမှာ ကြောက်လို့၊ နိုင်ငံရေး လှုပ်ရှားသူတွေနဲ့ မပက်သက်ချင်လို့၊ သံရုံးက လူတွေက နာမည်၊ ရုပ်တွေ မှတ်မိမှာစိုးလို့၊ လူတွေကို ကူညီရင် ကိုယ့်ကို ဒုက္ခပေးမှာ ကြောက်လို့၊ ဒုက္ခရောက်မှာ စိုးလို့ ဆိုပြီး ကိုယ့်အိမ်မှာ ကိုယ့်ဘာသာ မလုပ်ရဲ၊ မကိုင်ရဲဖြစ်ပြီး ... စိတ်ထဲကသာ ဆန့်ကျင်ရုံ လုပ်နေတဲ့ အဝေးရောက်မျိုးချစ် မြန်မာလူမျိုးတွေလည်း သန်းရွှေနဲ့ အတူ လူသတ်နေတဲ့ စာရင်းထဲ ထည့်ရမှာ ဖြစ်ပါတယ်။

အဲဒီလို လူမျိုးတွေက ကြိတ်ကန့်ကွက်ပြီး၊ လက်တွေ့ လုပ်ရပ်တွေက နအဖကို အားပေးနေတာကြောင့် နအဖက အခုအထိ သံဃာတွေ၊ လူတွေကို သတ်နေနိုင်တာပါ။ အဆိုပါ ပုဂ္ဂိုလ်တွေမှာလည်း လူသတ်မှု တာဝန်ရှိပါတယ်။ တိုင်းပြည်အကြမ်းဖက်မှုမှာ ပါဝင်သူတွေ ဖြစ်ပါတယ်။

အခု အချိန်မှာ တတ်စွမ်းသလောက် ပါဝင်ကာ ဆက်လက် မိမိ အတ္တတွေကို ရှေ့တန်းတင်မနေဘဲ ဒုက္ခသည်တွေကို ကူညီပြီး လူသတ် အကြမ်းဖက်သမားတွေကို တိုင်းပြည်ကို ဆက်လက်ဒုက္ခမပေးနိုင်အောင် တားမြတ်ကြပါစို့။

လေးစားစွာဖြင့်
ကိုထိုက်