နိုင်ငံရေးသတ္တဝါ

(www.kaungkin.com မှ ရယူထားပါသည်။)


လူဆိုသည်ကား လူမှုရေး သတ္တဝါ social animal ဟူ၍ သဘာဝတ္ထ ပညာကျော်တဦးက ဆိုခဲ့မိန့်ခဲ့ဖူးချေ၏။ ထိုပညာကျော်၏ အဆိုအမိန့်ကို သံယောင်လိုက်ပြီးသကာလ အနှီပညာကျော် နောက်တဦးကလည်း လူဆိုသည်မှာ နိုင်ငံရေးသတ္တဝါဟူ၍ မြွက်ကြားလိုက်ပြန်ချေသည်။ ခက်ကပြီတကား။ ငတို့ကဲ့သို့ ပညာချို့တဲ့ ဒီမိုကရေစီမဲ့ နိုင်ငံသား နို့ပုန်းစားတို့အတွက် မျက်စေ့သွက်သွက်လည်စရာပေတကား။

သို့ပင်သော်ငြား မျက်မှောက်ကာလ မြန်မာ့နိုင်ငံရေးလောကကို တစေ့တစောင်း ငဲ့၍စောင်း၍ ပြန်ပြောင်း သုံးသပ်လိုက်သော အခါတွင်မူကား လူသည် နိုင်ငံရေးသတ္တဝါပါတကားဟု ငါကောင်းကောင်း သိရှိနားလည်ရပြီတမုံ့။

ငတို့ ပေါက္ကာရာမရာဇဌာနီမြန်မာပြည်ဝယ် နိုင်ငံရေးသတ္တဝါ အထွေထွေ အပြားပြားရှိသတတ်။

အချို့သော နိုင်ငံရေးသမားတို့သည် ခွေးနှင့်တူ၏။ ၄င်းတို့၏ ကျောပြင်ကို ဗျောထင်ကာ ဆော်ပါနှက်ပါသော်လည်း ငါတို့ကို ဆော်ပေသည်တကားဟု အမျက်မသို။ လက်ဖျစ်တချက်တီးလျင် အမြီးကိုနှံ့ပြတတ်လေ၏။ အချက်တစ်ရာပေးသည် ဆော်သည်ကို အမှတ်မထား၊ ထညက် (ထန်းလျက်) တခါ ကျွေးသည်ကိုသာ အခါခါ သတိရလျက် သူတထူး၏ တခါကပြုဖူးသောကျေးဇူးကို တသသ အောက်မေ့သတိရသောဟူ၏။ ခွေးနှင့်အလွန်တူသော နိုင်ငံရေးသမားများပါတကား။

အချို့သောနိုင်ငံရေးသမားတို့သည်ကား လိပ်နှင့်တူစွတကား။ ကိုယ့်ဗိုက်အောက်ကိုသာ တွင်တွင်ယက်ဖို့ ကြိုးစားတတ်ကြပေသည်။ ပူးသတ်မည်၊ ပေါင်းနှပ်မည်၊ ဘယ်လိုလုပ်လိုက်မည်၊ ညာလိုလုပ်လိုက်မည် ဆင်ဖမ်းမည်၊ ကျားဖမ်းမည်ဟု ဘာဘာညာညာ အကြောင်းအမျိုးမျိုးပြနေပါသော်ငြား၊ လိုရင်းမှာကား ကိုယ့် ဗိုက်အောက်ကိုယ် ယက်ဖို့သာပင်တကား။ အနှီ ဂန္ထဝင်ဓါတ်ပြားဟောင်းကြီးကို အပ်ကြောင်းခါခါထပ်ပြီးခဲ့ပြီ ဖြစ်သော်ငြားလည်း လိပ်ဘိုးဘိုး လိပ်ဘွားဘွားတို့မှာမူ ရိုးသည်အီသည်ဟု မရှိပါကလား။

အချို့သောနိုင်ငံရေးသမားတို့သည်ကား နွားနှင့်တူ၏။ မထုံတက်တေးနှင့် နှေးကွေးလေးလံလှချေ၏။ ရိုက်သော်လည်း မမှု၊ ထုသော်လည်း မဖြုံ။ သို့သော် ထမ်းပိုးအောက်မှလည်း ရုန်းထွက်ရန်မစဉ်းစား။ ပျင်းတိပျင်းတွဲနှင့် ကြုံရာကျရာဘဝမှာ ဖြစ်သမျှအကြောင်း အကောင်းဟုသာ သဘောထား၏။ စအိုဝကို နဂန် (နွားကန်) နှင့်ဆွနိုင်မှ တော်ကာကျ၏။ သို့မဟုတ်မူကား အသက်မရှိသောအရုပ်သို့ပင်တကား။

အချို့သောနိုင်ငံရေးသမားတို့သည်ကား မျောက်နှင့်တူ၏။ ဟိုအကောင်ကို ခဲနှင့်ပစ်လို့ပစ်၊ ဟိုသတ္တဝါကို တုတ်နှင့်ထိုးလို့ထိုး အမျိုးမျိုးဒုက္ခပေး နှောင့်ယှက်တတ်၏။ နိုင်ငံရေးသမား ယောင်ယောင် သတင်းသမားယောင်ယောင် အန်ဂျီအိုယောင်ယောင် အမျိုးမျိုးအယောင်ယောင်ဆောင်ကြ၏။ ဟိုဆွဒီဆွ အလွန်စတတ်သော ညဉ်ဆိုးရှိ၏။ ရန်သူကနောက်ကလိုက်လာပြီဆိုလျင်မူ သစ်ပင် ပေါ် အမြန်ပြေး၍ ဝေါင်ဝေါင်ရှေး ဝေးဝေးကရှောင်တတ်ပေသတည်း။ မျောက်နှင့်မတူ ဘာနှင့်တူသေးသနည်း။

အချို့သော နိုင်ငံရေးသမားတို့မှာမူ ကုလားအုပ်နှင့်တူပေစွ။ ကုလားအုပ်ဆိုသော်ငြား ရိုးရိုးကုလားအုပ်ကား မဟုတ်။ အပ်နဖားထဲသို့ တိုးဝင်ရန်ကြိုးစားနေသော အာဂကုလားအုပ်ဖြစ်ပေသည်။ စိတ်ကူးစိတ်သန်း ကောင်းမွန်လှပါဘိ။ အမျှော်အမြင်ကြီးမားလှပါဘိ။ အပြည်ပြည်ဆိုင်ရာရှိ နိုင်ငံရေးဆိုင်ရာ တက္ကသီလာတို့ မှ သင်ကြားအပ်သော နိုင်ငံရေးအဌာရဿ အရပ်ရပ်ကို တတ်ပွန်ကျွမ်းကျင်နှံ့စပ်သိမြင်လှပါဘိ။ ဤသို့သော ကုလားအုပ်မျိုးကိုကား ကိုယ့်လည်ပင်းကို ကိုယ့်အမြီးနှင့်ပတ်မိနေသော ကုလားအုပ်ကဝိ အကျော်အမော်များဟု ခေါ်ထိုက်လှ ပေသည်တကား။

အချို့သောနိုင်ငံရေးသမားတို့သည်ကား ကျားနှင့်တူပေ၏။ လှောင်ချိုင့်ထဲတွင် ကြာရှည်ထားသော်လည်း မာန်စွယ်မကျိုး။ ခေါက်ရိုးမကျ။ လှောင်ချိုင့်မှ လွတ်သည်နှင့် တောသုံးတောင်ညံအောင် ကျွက်အောင် မာန်တော့ဟောက်တော့သည်တကား။

နိုင်ငံရေးသမားလုပ်စားသူတို့ အတတ်ကို အတုမြင်အတတ်သင်တတ်သော ငါသည် တပါးသောသူတို့အား တံဆိပ်အမျိုးမျိုးတပ်ပြီးသကာလ လက်ညှိုးအချောင်းချောင်းထိုးခဲ့ပြီးချေပြီ။

ယခုတဖန် မိမိကိုယ်ကိုယ်ဝေဖန်ရေး စပေတော့အံ့။

ငါသည်ကား နိုင်ငံရေးသမားဟု အနွတ္တသညာ သမုတ်လောက်စရာ လောက်လောက်လားလား ဘာမျှ လုပ်ခဲ့သည်ကားမဟုတ်။ သို့ဖြစ်စေကာမူ မြန်မာနိုင်ငံသားပြီသစွာ နိုင်ငံတော်ကို ချစ်မြတ်နိုးသော စိတ်မှာမူ အပြည့်အလျှံ၊မောက်နေလန်နေပါ၏။ ဟိုနေရာစပ်စပ် ဒီနေရာစပ်စပ်နှင့် မိုးတိုးမတ်တတ်နိုင်ငံရေးကို လုပ်တတ်သူဖြစ်ရာ နိုင်ငံရေးသမားဟု မဆိုထိုက်စေကာမူ၊ နိုင်ငံရေးဇာတ်ရံဇာတ်ပို့လောက်ဟုဆိုလျင်မူ ကြွားလွန်းရာ ရောက်မည် မထင်။ သို့ဆိုလျင် ငါသည်လည်း နိုင်ငံရေးသတ္တဝါ ဖြစ်တန်ရာ၏။ ငါသည်ကား ပသို့သော နိုင်ငံရေးသတ္တဝါ အမျိုးအစားပေနည်း။ ငါဘာကောင်နည်း။

ငါသည်ကား ဟိုနေရာဝင်အာ ဒီနေရာဝင်အာနှင့် အာကျယ်အာကျယ်ပြောရုံသာတတ်စွမ်းသော နိုင်ငံရေးငပြော အညတရ ကြက်တောဖြစ်ပေသတည်း။

ကိုရင်ကြက်တော