Tuesday 31 July 2007

ရုပ်ဖျက်ထားသူနှင့် တွေ့ခြင်း

ရွှံ့ ထဲမှာ ထိုင်နေသူ တစ်ယောက်ကို ကျွန်တော်တွေ့ပါတယ်။ သူ့မျက်နှာကို ရုပ်ဖျက်ထားတယ်။

`ခင်ဗျား မျက်နှာကို ဘာလို့ ရုပ်ဖျက်ထားတာလဲ´
သူက သက်ပြင်းချပြီး ဖြေတယ်။
`မျက်နှာ ပျက်စရာတွေ ရှိနေလို့ပါ´
ခေါင်းငုံသွားရပြန်တယ်။
`ခေါင်းလည်း မဖေါ်ချင်တော့ဘူးဗျာ´
လို့ ထပ်ပြောတယ်။
`၀င်ထိုင်ပါဦးလား´
လို့ မဖိတ်ခေါ်တဲ့အတွက် ကျေးဇူးတင်ရတယ်။

တာရာမင်းဝေရေးတဲ့ စကားစုလေး တစ်ခုပါ။ အဲဒါလေးကို ကို အမှတ်တမဲ့ ဖတ်ရင်း၊ သေချာတွေးကြည့်မိလိုက်တော့ စဉ်းစားပြီး ကျေနပ်စရာ၊ စိတ် ဘ၀င်ကျစရာ၊ တွေ့တာနဲ့ ပြန်မျှပေးလိုက်တာပါ။ စာကသိပ်တော့ ရှည်ရှည်ဝေးဝေး မဟုတ်ပါဘူး။ တွေးကြည့်လျှင်တော့ အရှည်ကြီး ဆွဲဆန့်နိုင်မလား မသိ။ ဖတ်ပြီး ခံစား၊ တွေးကြည့်တဲ့ အတွေးပေါ်မှာ မူတည်မယ်လို့ ထင်ပါတယ်။

(မှတ်ချက် ... cbox ထဲ သူများ နာမည်ကို သုံးပြီး ပေါက်တတ်ကရ ရေးတဲ့လူတွေ တွေးတတ်ပါစေလို့ ဆုတောင်းပေးပါတယ်။ ရွှံ့ ထဲထိုင် မျက်နှာဖျက်ပြီး ခေါင်းမဖော်ရဲတဲ့ အဖြစ်တွေက ကင်းဝေးနိုင်ကြပါစေ။)


No comments: