စစ်သားဟောင်း တစ်ယောက်ရဲ့ အတွေး

စ်ာပနထဲကအေတြး

ကျနော်ရဲ့မိတ်ဆွေတစ်ယောက်က ဗွီစီဒီလေးတစ်ချပ်လာပေးပြီး ကော်ပီကူးပေးပါဆိုလို့ ကူပေးလိုက်တယ်၊ ကျနော်က ဘာစီဒီလည်း ဆိုတော့ အစ်ကိုလည်းကြည့်ပါဆိုလို့ ကူးပြီးတော့ကြည့်ဖြစ်တယ်၊ အားလားလား…. ငပွေးတို့ရဲ့ဘိုးတော်ချုပ် စောဘိုမြရဲ့ ဈာပနအခမ်းအနားကို ရိုက်ထားတဲ့ အခွေပေါ့။ တစ်ချိန်က ကျနော်ရဲ့ ရန်သူတော်ကြီး ၊ ကျနော်တို့ ပြည်သူတွေကို ရက်ရက်စက်စက်သတ်၊ လှံစွပ်နဲ့ထိုးလိုထိုး၊ တပည့်တပန်းတွေကို မြန်မာပြည်အနှံ့မိုင်းတွေထောင် ၊ ဗုံးတွေခွဲခိုင်း တဲ့ အမိန့်ရှင် စောဘိုမြ … ခုတော့ မရဏမင်းကခေါ်သွားပြီပေါ့၊ ကျနော်က စစ်သားလုပ်ခဲ့တဲ့လူဆိုတော့ အတွေးထဲမှာ ကျနော့်ရဲ့ ရန်သူတော်ဟောင်းကြီးတစ်ယောက် ဇီဝိန်ကြွေသွားပြီ ၊ ငါတို့နဲ့သေနတ်ပစ်တမ်းကစားခဲ့တဲ့ ကစားဖော်တစ်ယောက်ကြွသွားပြီပေါ့၊ ဒီလောက်ပဲတွေးပြီး ဆက်ကြည့်နေရင်းနဲ့ အတွေးနယ်ချဲ့မိတယ်။


နောက်ဆုံးထိတွေ့ခဲ့တဲ့ မြစ်ဝကျွန်းပေါ်ပွဲဆိုရင် ဘိုကလေးဘက် စိမ့်ဝင်နေပြီ၊ အဲဒီတုန်းက အနောက်တောင်တိုင်း စစ်ဌာနချုပ်နယ်မြေ တိုင်းမှူးက ဗိုလ်ချုပ်မြင့်အောင်၊ ဘယ်လောက်အထိနှိပ်ကွပ်ခဲ့သလဲဆို လေတပ်က ရဟတ်ယာဉ် ၂စီးကို ဦးစီးချုပ်စီကနေ တောင်းယူပြီး လယ်ကွက်ထဲမှာရှိနေတဲ့ သောင်းကျန်းသူနဲ့ ဆက်စပ်မယ်ထင်တဲ့နေရာတွေကို လက်တည့်စမ်းခဲ့တယ်။ တပ်ချုပ်ကလည်း ဘာကြောင့်ပေးသုံးခဲ့သလဲဆိုရင် ၀ါဆောစာချုပ်ဖျက်ပြီး ဘ၀ပျက်ကြတဲ့ အဖွဲ့ဝင်တွေထဲက ပိုလန်နဲ့ ရုရှ က မြန်မာပြည်ကို ဆန်နဲ့လဲတန်လဲ၊ ဈေးပေါပေါနဲ့ရောင်းလိုရောင်း လုပ်ထားတဲ့ မီ-၂ နဲ့ ဆူဂေါ ရဟတ်ယာဉ်တွေကလည်း ၀ယ်ထားပြီး မစမ်းရသေးခင် အတော်ပဲဖြစ်သွားတယ်။ အချို့ရွာသားတွေ သေသာသေသွားတယ်၊ သူတို့ကိုယ်သူတို့ စောဘိုမြရဲ့တပည့် ဟုတ် မဟုတ်တောင် မသိသွားရှာဘူး၊ ဘာကြောင့်လဲဆိုတော့ ကေအင်ယူကစပြီး စိမ့်ဝင်ကာစရှိသေးတာ တစ်ကြောင်း၊ စည်းရုံးးရေးကာလ ဖြစ်နေတာတစ်ကြောင်း၊ မိုးတွင်းကာလ၀င်သွားတာ တစ်ကြောင်း၊ သူတို့ရဲ့ အခြေခံစစ်သင်တန်းက မစရသေးတာတစ်ကြောင်း၊ အကြောင်းကြောင်းကြောင့် အရှုံးနဲ့ တွေ့ခဲ့ရတယ်၊ အနောက်တောင်တိုင်း စစ်ဌာနချုပ်နယ်မြေ (နတခ) မှာ ဘယ်လိုမှ ထင်မထားတဲ့ရန်သူကို တွေ့လိုက်ရတော့ တိုင်းမှူးပြာယာခတ်ပြီး ဆော်တော့တာပေါ့၊ သူကိုယ်တိုင် ရဟတ်ယာဉ်ပေါ်တက်၊ လယ်တဲတွေ့ရင် အောက်ကိုဝိုင်းခိုင်းထားပြီး အပေါ်က ရော့ကက်ခ်နဲ့ပစ်တယ်။ ထွက်ပြေးလာတဲ့ အမာခံ (ရွာသားနဲ့သောင်းကျန်းသူခွဲမရရင်သုံးတဲ့ သတ်မှတ်ချက်) ကိုဖမ်းတယ်၊ တိုင်းမှူး အမိန့် ပေးတာက (ငါအသံမကြားချင်ဘူးတဲ့) ဘာလုပ်လိုက်တယ်ထင်သလဲ… ၀ါးရင်းတုတ်နဲ့ ရိုက်သတ်ပစ်လိုက်တယ်။ အဲ့ဒီတိုက်ပွဲကို ပြန်ကြည့်ရင် မိုက်တန်စန် နဲ့ မူးနေတဲ့ဆိုက်ကားသမား ထိုးသလိုပါပဲ။ အာပီဂျီလက်ထဲမှာရှိပြီး မပစ်တတ်သေးတဲ့ အမာခံဟာ ကြည်း၊ ရေ၊ လေ ပူးပေါင်းစစ်ဆင်ရေးအောက်မှာ အသက်ပျောက်သွားရရှာတယ်၊

အဲဒီ့တိုက်ပွဲအပြီးမှာ တိုင်းမှူးလည်း လောကီသားပဲ၊ ဘာရမလဲ၊ ယတြာချေတာပေါ့…

နတခ ၀န်းထဲမှာ ကိုးလံပြည့်စေတီကို ကိုးရက်နဲ့အပြီးတည်တော့တာပဲ။ ရှိသမျှလိုင်းထဲက မိန်းမရော ကလေးပါ အိမ်ထောင်ဦးစီး စစ်သားကြီးရဲ့ ကျွန်ဝယ်ရာအဆစ်ပါဇာတ်ကို ၀င်ကခဲ့ရတယ်။ တပ်ချုပ်ကြီးကလည်း မြှောက်စားပါတယ်။ စစ်ရေးချုပ်ရာထူးပေး၊ စစ်ရုံးခေါ်ထား၊ ပြီးတော့ လယ်ဆည် ၀န်ကြီးပေးပြီး ဆက်တိုက်မြှောက်စားလိုက်တာ၊ နောက်ဆုံး ၀န်ကြီး 17 ယောက်ကိုဖြုတ်တဲ့အထဲထည့်လိုက်တဲ့အထိပဲ၊ ထွန်းကြည် ၊ ကျော်ဘ ၊ မောင်လှ သိန်းဝင်း ၊ စိန်အောင် ၊ ဖေသိန်း ၊ မျိုးညွန့် စတဲ့ စီနီယာ န၀တ သောက်တလွဲအုပ်စုဝင်တွေကို လာဘ်စားမှုနဲ့ ဖမ်းစစ်ပြီး ပိုင်ဆိုင်မှုတွေသိမ်းလိုက်တာနေစရာအိမ်တောင် ဘုံပျောက် သွားတဲ့အထိ ဂျုနီယာန၀တက သူကောင်းပြုလိုက်တာ မရှုမလှခံလိုက်ရတယ်။ သူများကိုသတ်ခဲ့တဲ့လူ၊ ဘုရားတည်တာတောင် Force Labor သုံးခဲ့တဲ့စစ်ဗိုလ်ချုပ် တစ်ယောက်၊ ဘယ်လိုလဲ၊ ဘ၀တောင်မကူးလိုက်ပါလား၊ ၀ဋ်ကြွေးက ကြီးလိုက်တဲ့အမျိုး…..


တွေးရင်းနဲ့ စောဘိုမြ အခွေကိုဆက်ကြည့်နေလိုက်တယ်၊ တောထဲမှာ လုပ်တဲ့ဈာပန၊ ငိုတဲ့သူတွေကငိုကြ၊ တော်တော်များများရဲ့မျက်နှာက ၀မ်းနည်းနေကြတဲ့မျက်နှာတွေ၊ တစ်ယောက်ပြီးတစ်ယောက် လာကန်တော့ကြတယ် ၊ နောက်ဆုံးတော့ ကေအင်ယူ စစ်အခမ်းအနားနဲ့ ယူနီဖေါင်းအပြည့်အစုံဝတ်ပြီး နောက်ဆုံးခရီးကို လိုက်ပို့ကြတယ်။ စထွက်တဲ့နေရာကနေ နောက်ဆုံးသင်္ဂြုလ်တဲ့နေရာအထိက တော်တော်ဝေးတယ်။ ထမ်းလာတဲ့လမ်းတစ်လျှောက် လိုက်ပို့ကြတဲ့ပရိတ်သတ်က ငိုလို့ပေါ့၊


အဲ့ဒီမှာ ကျနော်ရဲ့အတွေးတစ်ခုက ဒိန်းကနဲဝင်လာတယ်။ ဒီလူတွေဟာ တကယ်ငိုကြတာလား၊ မကောင်းတတ်လို့ ဟန်ဆောင်ပန်ဆောင် ငိုကြတာလားဆိုတာ။ အခွေကို ပြန်ရစ်ပြီး ငိုကြတဲ့သူတွေမျက်နှာကို အဓိပါယ်ဖွင့်ကြည့်မိတယ်။ တမင်ဖန်တီးပြီး လန်ကျုပ်ငိုတာ မဟုတ်ဘူး ၊ တကယ် ၀မ်းနည်းမှုနဲ့ ငိုတဲ့မျက်နှာဆိုတာ ပေါ်လွင်လာတယ်။ သူ့ရဲ့မိသားစုဝင်တွေဆိုလည်း ဒီလောက်များမှာမဟုတ်ပါဘူး၊


သြော်.. ဒါတွေက သူ့ရဲ့ပြည်သူတွေ (သူ့ကိုချစ်တဲ့ သူ့ပြည်သူတွေ) ဆိုတာ သဘောပေါက်လာတယ်။ နှိုင်းယှဉ်ပြီးတွေးစရာက အသက်လည်းကြီးနေပြီ ၊ အနားလည်း ယူသင့်နေပြီဖြစ်တဲ့ တပ်ချုပ်ကြီး အတွက်ပါ။ ကဲဗျာ…. တပ်ချုပ်ကြီး သေသွားရင် ခင်ဗျားငိုမှာလား … မေးစရာမလိုတဲ့ မေးခွန်းကိုမေးလို့ဆိုပြီး ကျနော့်ကို မဆဲနဲ့လေဗျာ၊ ခင်ဗျားလည်း ပြည်သူတစ်ဦးမဟုတ်လား… တောထဲမှာဖွဲ့ထားတဲ့အစိုးရ ရဲ့ ဂိုဏ်းချုပ်သေတာ တောင် သူ့လူတွေ ငိုကြသေးတာပဲ။ ခင်ဗျားတို့ ကျနော်တို့က မြို့ပေါ်မှာ ဖွဲ့ထားတဲ့ အစိုးရ ရဲ့ လူတွေလေ၊ ပိုပြီးမငိုသင့်ဘူးလား… ဟုတ်တယ်ဗျာ… တပ်ချုပ်ကြီးအတွက်ကို စိတ်ကူးနဲ့တောင် ၀မ်းနည်းလို့မရဘူး၊ 55 သန်းသောပြည်သူတွေထဲက 2% လောက်တောင် သူ့ဘက်ကမကျိန်းသေဘူး၊ မြန်မြန်သေပါစေလို့ဆုတောင်းနေကြပြီ၊ မြန်မာလူမျိုးတွေရဲ့ ကြီးသူကိုရိုသေတယ်ဆိုတဲ့ ဂါရ၀တရား ၊ အုပ်ချုပ်မင်းလုပ်တဲ့သူကို စိတ်ထဲကနေတောင် မပြစ်မှားကြတဲ့သူတွေ၊ အခုဘယ်လိုဖြစ်ကုန်ပြီလဲ.. ပြောရရင် အရမ်းအမျိုးချစ်တတ်တဲ့လူမျိုးဗျ ကိုယ့်ဆွေမျိုးအရင်းမဟုတ်ရင်တောင်မြန်မာဆိုတဲ့အသံကြားတာနဲ့ ဘယ်နေရာရောက်ရောက် ကရင်ပဲဖြစ်ဖြစ် ၊ မွန်ပဲဖြစ်ဖြစ် ၊ ရှမ်းပဲဖြစ်ဖြစ် အားလုံးကစည်းရုံးပြီးသားပါ။ ဘယ်သူ့ကိုမှ အောက်ကျမခံခဲ့တဲ့စိတ်ဓါတ်အရမ်းကြီးတဲ့လူမျိုးမှပဲ မင်းဆိုးမင်းယုတ်တွေအုပ်ချုပ်တာ နှစ်ရှည်လများခံခဲ့ရတယ်။ သီးခံခြင်း၊ ရောင့်ရဲခြင်းတွေနဲ့ စောင်းဆိုင်းခြင်းတွေအောက်မှာ လူစဉ်မမှီတဲ့လူ့ဘ၀ကို ဖြစ်သလိုတည်ဆောက်နေကြရတယ်၊ စစ်တပ်ကအုပ်ချုပ်မှု တာဝန်ယူပြီးမှ လူတွေက ပိုပြီးဆင်းရဲတွင်းနက်လာတယ်၊ ပညာပိုပြီးမဲ့လာတယ်။ ၀မ်းရေးကို ကိုယ်ကျင့်တရားနဲ့ရင်းပြီးဖြေရှင်းနေကြရတယ်၊ ဒီလိုအချိန်မှာ ထွက်ပေါက်အမျိုးမျိုးကို စဉ်းစားကြရင်း စစ်အာဏာရှင်တွေကို ဆုံးမနိုင်မယ့် နည်းအားလုံးကိုတွေးကြတယ် UN တပ်ကိုမျှော်မိတာ၊ နိုင်ငံစုံတပ်ကိုမျှော်မိတာ၊ ဒါတွေအားလုံးဟာ လိုအပ်မှုတစ်ခုက တောင်းဆိုလို့ဖြစ်လာကြတာ၊ ပြည်သူ တွေက လောဘတကြီးနဲ့ အနောက်မျှော်ကြတာမဟုတ် ပါဘူး ၊


ရွှေဝါရောင်တော်လှန်ရေးမှာ သံဃာတော်တွေကို ရိုက်တယ် ၊ သတ်တယ် ။

ပြည်သူတွေခေါင်းမထောင်နိုင်အောင် နှိပ်ကွပ်တယ်။ မထင်ရတဲ့ ရက်စက်ခြင်းတွေနဲ့ အာဏာကိုမြဲအောင် ဆုပ်ကိုင်ထားတယ်။ စောဘိုမြက သတ်လို့မရလို့လား၊ ဒါမှမဟုတ် မသတ်ချင်လို့ပဲလားတော့မသိ၊ လက်နက်မဲ့ ဘုန်းကြီးကိုတော့ သေနတ်နဲ့မပစ်ခဲ့ဘူးထင်တယ်၊ ဒါတောင် စောဘိုမြက ခရစ်ယာန်ဘာသာဝင်ပါ။ ဒီကေဘီအေ နဲ့ တိုက်တုန်းက သေနတ်နဲ့ အပြန်အလှန်တိုက်ကြတာ၊ ဒါမျိုးကိုသဘောကျတယ်။ ခုချိန်ခါ……… သာသနာ့တာဝန် ထမ်းနေကြတဲ့ သံဃာတော်တွေကို မေးကြည့်ရင်တောင် သေနတ်ချင်းယှဉ်ပစ် မလားဆိုရင်……… ငါးပါးသီလမှာ တစ်ပါးဖြစ်တဲ့ သူတစ်ပါးအသက်ကို သတ်ဖြတ်ခြင်းကို မကျုးလွန်ကြတဲ့ သံဃာတော်တွေတောင် ကျုပ်တို့ရဲ့တပ်ချုပ်ကြီးကို ယှဉ်ပစ်ချင်ကြလိမ့်မယ်။ ဒါတွေအားလုံးဟာလည်း တပ်ချုပ်ကြီးရဲ့ တောင်းဆိုမှု တွေပဲမဟုတ်လား……………


စောဘိုမြရဲ့ ဈာပန တော့ ပြီးသွားပြီ၊

မပြီးသေးတာက ကျနော့် အတွေး…………..

တပ်ချုပ်ကြီးသေရင် ဘယ်သူတွေလိုက်ပို့မှာလဲ၊ ဘယ်သူတွေငိုမှာလဲဆိုတာ……

အဲ.. ကျိန်းသေတာကတော့ …. ဟန်ဆောင်ပြီးငိုမယ့် ၊ ဒါမှမဟုတ် အခကြေးငွေနဲ့ငိုမယ့် စွမ်းအားရှင်နဲ့ ကြံ့ဖွတ် တွေရှိနေဦးမှာပါ၊

ခေတ်ပျက်စစ်သည်ဟောင်းတစ်ဦး